Донецкай өрөспүүбүлүкэ баһылыга саха уолун наҕараадалаата

Донецкай норуодунай өрөспүүбүлүкэ баһылыга Денис Пушилин аатырбыт «Алеша» тааҥка экипааһын наҕараадалаата. Ол туһунан кини Телеграм-ханаалыгар иһитиннэрдэ. 

Ол курдук, Расим Баксиковка, Александр Леваковка уонна Саха сириттэн сылдьар Алексей Неустроевка Донецкай норуодунай өрөспүүбүлүкэ «Кыһыл көмүс сулуһун» туттарда.

Оттон дивизия хамандыырыгар, генерал-майор Игорь Анатольевич Кузьменковка Донецкай норуодунай өрөспүүбүлүкэ Дьоруойун аатын иҥэрдэ.

Пушилин наҕараадалааһын туһунан өссө сиһилии иһитиннэриэх буолла.