Дьону быыһаабыт полицейскайдарга РФ ИДьМ миниистирэ наҕараада туттарда

РФ Ис дьыалатын миниистирэ, полиция генерала Владимир Колокольцев дьону быыһыырга хорсун быһыыларын иһин Саха сирин полицейскайдарын наҕараадалаата. Бу туһунан ИДьМ пресс-сулууспата суруйар.

«ИДьМ сулууспатын ГАИ үлэһиттэрэ, полиция лейтенаннара Роман Обоев уонна Игорь Находкин РФ ИДьМ «Хорсун быһыы иһин» мэтээлинэн наҕараадаланнылар. Кинилэр баһаар кэмигэр умайа турар дьиэттэн үс киһини быыһаан таһаарбыттара уонна  бастакы мэдиссиинэ көмөтүн оҥорбуттара», – диэн РФ ИДьМ официальнай бэрэстэбиитэлэ Ирина Волк иһитиннэрдэ.