Салгыы
Дьокутааттар олохтоох бэйэни салайыныы боппуруостарын дьүүллэстилэр

Дьокутааттар олохтоох бэйэни салайыныы боппуруостарын дьүүллэстилэр

09.07.2024, 15:21
Василий Кононов хаартыскаҕа түһэриилэрэ.
Бөлөххө киир:

Бүгүн Ил Түмэҥҥэ норуот дьокутааттара муниципальнай тэриллиилэр ситэриилээх уорганнарын, улуус мунньахтарын бэрэссэдээтэллэрин сэбиэтин кытары мунньахтаатылар. Муниципальнай тэриллиилэр ситэриилээх уорганнарын сэбиэтигэр 35 улуустан улуустааҕы сэбиэт дьокутааттара уонна 35 нэһилиэктэрдээҕи сэбиэт дьокутааттара киирэллэр. Сэбиэт сылга иккитэ хомуллан Ил Түмэҥҥэ кыһалҕалаах боппуруостарын дьүүллэһэр. 

Дьокутааттар сынньалаҥҥа барыахтарын иннинэ тутуһан олорон олохтоох бэйэни салайыныы боппуруостарын дьүүллэстилэр. Чуолаан, тыа сиригэр бүгүҥҥү күҥҥэ тирээн турар сэттэ боппуруос көрүлүннэ.

Бастатан туран үбү-харчыны ороскуоттуур ньыманы улуус бүддьүөттэриттэн хонтуруоллуур уорганнар баар буолууларын уонна бу үлэлэр хайдах баралларын туһунан СӨ Счетнай балаататын бэрэссэдээтэлэ Алена Федорова иһитиннэрдэ. Сокуон ирдэбилинэн хас биирдии улууска үп-харчы хайдах ороскуоттаанарын хонтуруоллуур анал уорган баар буолуохтааҕа этилиннэ.

«Бу боппуруоһунан өрөспүүбүлүкэ өттүттэн ити сокуону олоххо киллэрээри балачча үлэни ыытта. Бүгүҥҥү күҥҥэ онтубут үс улууска ситэ оҥоһуллубакка турар. Бу үс улууһу быһаардахпытына, өрөспүүбүлүкэ үрдүнэн, миэстэтигэр үбү-харчыны хонтуруоллуур уорганнар баар буолуохтара. Манна дьон сыыһа өйдүө суоҕун наада. Хонтуруоллуур уорганнар дьону ирдээн, быраап уорганнарыгар үҥсэн, тиксиһиннэрии курдук буолбакка, бастатан туран көмө өттүнэн, хас биирдии муниципальнайбүддьүөт ылыллыан иннинэ, хонтуруоллуур-ааҕар уорган эспэрдэрэ сыанабыл биэриэхтээхтэр уонна бүддьүөтү ылыныахтарын иннинэ ону дьокутааттарга тиэрдиэхтээх. Итиниэхэ көмөнү оҥоруохтаах дии саныыбын», — диэн Ил Түмэн спикерэ Алексей Еремеев кэпсээтэ.

Итини таһынан тыа сиригэр бэтэринээринэй сулууспа үлэтин тиһигэр кэккэ кыһалҕалар бааллара этилиннэ. Бэтэринээрдэр хамнастара кырата, үлэһит тиийбэтэ биир кыһалҕа. Онуоха сөптөөх дьаһаллар ылыллалларын, үрдүк үөрэхтээх өр сыл үлэлээбит ыстаастаах бэтэринээр быраас 62 тыһыынча, оттон эдэр исписэлиис 50-ча тыһыынча хамнастааҕа үлэһит тиийбэтигэр тириэрдэр диэн эттилэр. Бу кыһалҕаны хайдах быһаарабыт диэн дьүүллэстилэр.

Дьокутааттар уонна улуус мунньахтарын бэрэссэдээтэллэрин сэбиэтин иннигэр ис дьыла миниистирин солбуйааччы Владимир Климов ис дьыала уорганнарын ааспыт сыллааҕы үлэтин туһунан отчуоттаата. Чуолаан, сорох улуустарга олорор дьиэнэн хааччыйыы, участковай үлэһиттэр тиийбэтэрэ ахтылынна, ол эрээри ааспыт сылтан Ил Дархан дьаһалынан саастарын ситэ илик оҕолору кытары үлэлиир иниспиэктэрдэргэ, суолу кэтээн көрөр судаарыстыбаннай иниспиэктэрдэргэ, участковайдарга, патрульнай-постовой сулууспа иниспиэктэрдэригэр хамнастарыгар эбии өрөспүүбүлүкэ бүддьүөтүттэн көрүллэн, улахан стимул буолбутун эттилэр.

Элбэх ыйытыыны эрэйбит боппуруоһунан СӨ Бырамыысыланнаска уонна геологияҕа миниистирэ Максим Терещенко дакылаата буолла. Арктика сиригэр сир аннынааҕы баайы хостуур тэрилтэлэри кытары бииргэ үлэлээһин туһунан боппуруоска олохтоохтор өттүлэриттэн элбэх ыйытыы киирдэ.
Киэҥ хабааннаах мунньах түмүгүнэн, муниципальнай тэриллиилэр ситэриилээх уорганнарын сэбиэтин чилиэннэрэ бүгүҥҥү күҥҥэ тирээн турар боппуруостары дьүүллэстилэр, үөскээбит кыһалҕаны быһаарыылары ылыннылар.

Мунньах түмүгэр Муниципальнай тэриллиилэр ситэриилээх уорганнар ураты ситиһиилээх үлэһиттэрэ Ил Түмэн уонна сис кэмитиэттэр наҕарадааларын туттулар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
15 июля
  • 21°C
  • Ощущается: 21°Влажность: 64% Скорость ветра: 2 м/с

Сообщить об опечатке

Текст, который будет отправлен нашим редакторам: