Дорбой сиригэр махтанабыт, сүгүрүйэбит, үлэ дьонун умнубаппыт

Үбүлүөйдээх сылга үлэлээн ааспыт туруу үлэһит дьону чиэстээтилэр, улуус баһылыга Анатолий Григорьев анал наҕараадалары туттарда. Маны тэҥэ үтүө-мааны сиргэ өйдөбүнньүк мэҥэ тааһы туруордулар. Оччотооҕу кэми санаан ааһар буоллахха, сиртэн үрдүк үүнүүнү ылар туһугар 100-нэн киһи туруулаһан үлэлээбитэ. Биригээдэ сылын ахсын үлэтэ-хамнаһа элбээн, сирэ-уота кэҥээн улахан хорутуулаах үлэ барбыта. ДОРБОЙ сиригэр хаһаайыстыба 1000² миэтэрэ иэннээх теплицаҕа агрономическай төрүккэ олоҕуран, сыл ахсын былааны таһынан помидор араас көрүҥүн үүннэрэрэ. Ону таһынан 25 галаах сиргэ хаппыыста, 1,5 гектарга бытархай култуураны ыһаллара. Бу курдук, үлэ үөһүгэр сылдьыбыт дьону чиэстээн, нэһилиэнньэни иҥэмтиэлээх аһынан хааччыйбыт сиргэ-уокка махтанан көдьүүстээх үлэ барда.