Кэптэнитээҕи кинигэ кыһатын сэбиэдиссэйэ Мария Андросова бэлиэ дьон ааттарын сырдатыыга дьоһун үлэни тэрийэр. Саха норуотун уларыта тутуу ыарахан сылларыгар санааларын көтөхпүт, тыа сирин олохтоохторугар хамнас кэлбэт, хойутуур кэмнэригэр болҕомтотун уурбут Саха Өрөспүүбүлүкэтин бастакы бэрэсидьиэнэ Михаил Ефимович Николаев 85 үбүлүөйдээх сааһын бэлиэтиир үөрүүлээх чааһы тэрийдэ.
Экраҥҥа аныгы ситиминэн Михаил Ефимович төрөппүттэрэ, бииргэ төрөөбүттэрэ, кэргэнэ, оҕолоро, эдэр сааһыттан аҕам алгыстаах сааһыгар тиийэ хомуллан, 85 сааһыгар үөрэн-көтөн бу тахсан барыбытын кытта илии тутуһан дорооболоһуохтуу турарыгар тиийэ көрдөрүлүннэ. Бары даҕаны, ол иһигэр кини бэрэсидьиэнниир сылларыгар үлэ үгэнигэр, олох олус ыарахан, соҕотохто үлэтэ суох хаалыыны билбит бэтэрээннэр Михаил Ефимович сырдык санааны сахпытын, укулаата уларыйбыт уларыта тутуу көнөн барбытын туһунан күө-дьаа кэпсэттилэр.
Кырдьык даҕаны, 1990-с сыллартан саҕалаан, саха норуотун инникитин өтө көрөн, араас ыарахан кэпсэтиилэри Москваҕа ыытан, араас айаннары айаннаан суверенитеттаах, кэнсиэпсийэлээх өрөспүүбүлүкэ оҥорбутун туһунан «Аал Уот» түмсүү лиэктэрэ улуу нуучча тылыгар, литэрэтиирэтигэр үйэ аҥарын курдук ыччаты уһуйбут Екатерина Шарина кэпсээтэ. Мария Николаевна кинигэни кытта өрүү кэпсэтэр бибилиэтиэкэр саха норуотугар сайдар саҕахтары арыйбыт бастакы бэрэсидьиэҥҥэ Михаил Николаевка аналлаах биктэриинэни ыытта. Бэтэрээннэр бары даҕаны биэс тарбах курдук билэллэрин бигэргэтэн соһуттулар. Салҕыы суруйааччы Ульяна Бурнашева-Уйана Полина-Победа «Табыллыбыт киһи» хоһоонун аахта.
Дьэ,бу кэнниттэн сахалыы иһити оҥорууга норуот уус-уран оҥоһуктарга маастара Мария Бурнашева маастар-кылаас ыытта. Кыһанан-мүһэнэн кырыйан, килиэйдээн кыптыый, мээрэй көҕүн тутан, сахалыы иһиттэр киэркэйэн истилэр.
Эдэр, чэгиэн сааһыгар Мүрү эбэ мүөттээх салгынынан сайа тыынан, куудара баттаҕын сөрүүн тыалга өрүкүтэн үлэлээбит Михаил Ефимовичтарын ахтан, кэпсэтэн оҥоһуктара ситэрин билбэккэ хааллылар. Биир дойдулаахпыт Уйбааҥка Копыринныын тимир штанганы өрө анньан өрөспүүбүлүкэҕэ Уус Алдан аатын көмүскээн, кыайан-хотон кэлэллэрин, тустан да ылалларын, «Лена-Мүрү» водопроводы үлэҕэ киллэрбитин ахтан аастылар.
Ульяна БУРНАШЕВА, суруйааччы
Тохсунньу саҕаланыаҕыттан Дьокуускайга саастарын ситэ илик оҕолор уруулга олорон, иккитэ массыына саахалланыытын таһаардылар. Тохсунньу 8…
Бу көҕүлээһининэн Уопсастыбаннай балаата дьарыктана сылдьар. "Дьиэ кэргэн стипендията" ый аайы төлөнүөҕэ уонна тиийинэн олоруу…
Авиахампаанньалар кулун тутар 1 күнүттэн пассажирдарга эрдэттэн көтүү усулуобуйатын, билиэккэ киирбит уларыйыылар, көтүүттэн аккаастаныы уонна…
Уус Маайа улууһун борокуратуурата дьахтарга көрүллүбүт күһэлэҥ үлэни накаастабыл атын көрүҥүнэн солбуйар туһунан суут көрбүт…
Нам улууһун Аппааны сэлиэнньэтигэр “Култуура” национальнай бырайыагынан 2022 сыллаахха тутуллубут Култуура дьиэтигэр наадалаах малы-салы киинэни…
Арассыыйаҕа ипэтиэкэни хос аахтарыыга (рефинансированиеҕа) киирэр уларыйыылар олунньу 1 күнүттэн олоххо киириэхтэрэ – комбинированнай ипэтиэкэ…