Дьороху үрэҕи туоруур күргэ тутуута түмүктэннэ

Өлүөхүмэ улууһугар «Умнас» трасса 652-с килэмиэтиригэр Дьороху үрэҕи туоруур күргэ хапытаалынай өрөмүөнэ түмүктэниэ. Бу туһунан СӨ Тырааныспарга министиэристибэтин пресс-сулууспата иһитиннэрэр.

Бу эбийиэк «Олоххо аналлаах инфраструктура» национальнай бырайыак чэрчитинэн олоххо киирэр. Күргэ киирии суолларын кытта уопсай уһуна 1 килэмиэтир кэриҥэ, оттон сталефибробетон бүрүөһүннээх муоста бэйэтэ – 24 погоннай миэтэрэттэн тахса. Бырайыагынан икки рптуобус тохтобула, 310 погоннай миэтэрэ уһуннаах хаххалыыр күрүө, 31 суол бэлиэтэ уонна 91 сэрэтэр остуолба көрүллүбүт.

Биэдэмистибэ санатарынан, быйыл «Олоххо аналлаах инфраструктура» национальнай бырайыагынан Өлүөхүмэ улууһугар өрөмүөн кэнниттэн Улахан уонна Аччыгый Черепаниха үрэхтэри туоруур күргэлэр үлэҕэ киирбиттэрэ.