Дьокуускайга А.Е.Кулаковскай аатынан норуоттар доҕордоһууларын дьиэтэ тулаайах уонна төрөппүт көрүүтэ-истиитэ суох хаалбыт оҕолор өрөпүүбүлүкэтээҕи анал (коррекционнай) интэринээт-оскуолаларыгар «Дорообо, сандал саас!» бырааһынньыгы сыллата тэрийэн ыытар.
Бу туһунан норуоттар доҕордоһууларын дьиэтин пресс-сулууспата иһитиннэрэр.
—Оҕолор биһигини өрүү да буоларын курдук, истиҥник көрүстүлэр. Сүүрэн кэлэн кууһа түстүлэр, үөрүү-көтүү бөҕө буоллулар. Оҕолорго норуоттар доҕордоһууларын дьиэтин кэлэктиибин сэргэ, АГИКИ устудьуоннара, общиналартан бэрэстэбиитэллэр, күн судаар дьаамсыктарын удьуордара, саха казактара бары бэлэхтээх эҕэрдэлии кэлбиттэр. «Ямские бубенцы» ансаамбыл былыргы ырыалары толордо уонна «Змейка» хороводка оҕолору ыҥыран киллэртээтэ. Блины астыырга уонна бырааһынньык остуолун киэргэтэргэ бука бары көхтөөхтүк кытыннылар. «Кыргызский конгресс» уопсастыбаннай организация минньигэс пловунан күндүлээтэ.
Аниматордар оҕолору улаханнык үөртүлэр. Баабыр барыларын таптыыра, куобах барыларын кууһара оҕолорго туохтааҕар да күндү, үчүгэй буолла. Оонньууларга бука бары үөрэ-көтө кытыннылар. «Дорообо, сандал саас!» үтүөнү, кэрэни бэлэхтээтэ диэн норуоттар доҕордоһууларын дьиэтин пресс-сулууспата иһитиннэрэр.
Хаартыскалар норуоттар доҕордоһууларын дьиэтин пресс-сулууспатыттан.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…