Хаартыска: улуус балыыһатын пресс-сулууспата
Сэтинньи ыйа Уус Алдан улууһун доруобуйатын харыстабылыгар «Доруобай ийэ -– доруобай оҕо» тускулунан ааста.
Доруобуйа харыстабылыгар аналлаах тэрээһиннэр бары Ийэ күнүгэр ананнылар. Ый саҕаланыаҕыттан мэдиссиинэ үлэһиттэрэ чугастааҕы уонна ыраах сытар нэһилиэктэргэ: Дүпсүгэ, Найахыга, Өспөххө, Чэриктэйгэ, Бээдигэ, Тандаҕа, Арыылаахха, Бэйдиҥэҕэ, Бээрийэҕэ, Тиит Арыыга, Сыырдаахха сырыттылар.
Нэһилиэнньэ доруобуйатын педиатр, эндокринолог, оториноларинголог быраастар уонна килиниичэскэй психолог көрдүлэр. Ону сэргэ психологтар улуус оскуолаларыгар үлэлээтилэр.
Быраастар барыта 200-чэ киһи доруобуйатын көрдүлэр, 100-тэн тахса киһи психологтан сүбэ-ама ылла. Кинилэртэн 75 оҕо педиатрга, 43 улахан киһи эндокринологка, 73 лор-бырааска көрдөрүннэ.
«Мэдиссиинэ үлэһиттэрин маннык сырыылара улуус кииниттэн ыраах олорор ийэлэргэ олус туһалаахтар. Биһиги оройуон балыыһатын быраастарыгар көрдөрөр эрэ буолбакка, педиатртан сүбэ-ама ылар кыахтанныбыт. Ону таһынан үлэбитин тохтоппокко уонна олорор сирбититтэн ханна да барбакка бу өҥөлөрүнэн туһаммыппыт олус кэрэхсэбиллээх», -– диэн тыа сирин дьоно үөрүүлэрин үллэстэллэр.
Дьокуускай куорат борокуратуурата 35 саастаах киһи холуобунай дьыалатыгар судаарыстыбаннай буруйдааһыны өйөөтө. Бу сууттаммыт киһи өлөрүүгэ…
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…
Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал…