Доруобуйа — болҕомто киинигэр

Таатта улуустааҕы киин балыыһатыгар 600 тыһ. тахса диагностическай чинчийии ыытыллыбыт.

Бу балыыһа 2023 сыллаахха үлэҕэ киирбитэ. Онон улуус олохтоохторо өр күүппүт ыра санаалара туолбута. Онтон билигин манна номнуо 600 тыһ. тахса диагностическай чинчийии ыытыллыбыт. Бу туһунан СӨ доруобуйа харыстабылын министиэристибэтэ иһитиннэрэр.

Уон тыһ. ультразвуковой, 20 тыһ. тахса лучевой, 533 тыһ. киһи араас лабораторнай, 600 эндоскопическай, 68 тыһ. киһи функциональнай чинчийиилэри барбыттар. Ону таһынан 3300 тахса физиотерапевтическай процедуралар оҥоһуллубуттар.

Дьон-сэргэ ыраах айаннаабакка, миэстэтигэр доруобуйатын сиһилии көрдөрөр кыахтаммытыттан үөрэр. Манна компьютернай томографтар, бронховидеоскоп, видеоколоноскоп, УЗИ, рентген-аппарааттар, дерматоскоп, уо. д. а. аныгы үйэ ирдэбилигэр эппиэттиир лабораторнай тэриллэр бааллар.

Сиһилии:  https://minzdrav.sakha.gov.ru/news/7184 киирэн көрүөххүтүн сөп.