Хаартыска: Онкология диспансерын пресс-сулууспата
2019-2023 сылларга «Доруобуйа харыстабыла» национальнай бырайыак чэрчитинэн Онкология өрөспүүбүлүкэтээҕи диспансерын подразделениеларыгар киэҥ хабааннаах уларыйыылар таҕыстылар.
Ол курдук, мэдиссиинэ саҥа 63 тэрилэ искэн ыарыыларын эрдэ буларга уонна мэдиссиинэ көмөтүн ахсаанын былаан быһыытынан элбэтэргэ көмөлөһөр. Кэнники биэс сылга эрэгийиэҥҥэ эминэн терапия, таргетнай уонна иммунотерапия оҥоһуллаллара элбээтэ. Искэни эрдэ булар кыах баар буолла, ол аата эмтээһини эрдэттэн саҕалааһын олох хаачыстыбата тупсарыгар уонна ыарыыттан өлүү аҕыйыырыгар тириэрдэр.
Эпэрээссийэлиир блок урология, гинекология, абдоминальнай, лор эпэрээссийэлэрин оҥорорго эндовидеоскопическай тэриллэринэн сэбилэннэ, норкуос-тыынар аппарааттар, аһаҕас уонна лапароскопическай хирургияҕа интраоперационнай датчиктаах ультразвуковой диагностика аппараата саҥардылыннылар. Улахан эпэрээссийэлэри оҥоруулары сэргэ, онкология диспансера ыарыыны кэмигэр быһаарарынан биллэр. Сардаҥа диагностикатын киинэ аныгы күүстээх мэдиссиинэ тэриллэринэн, магнитнай-резонанснай томограбынан, эспиэрт-кылаастаах УЗИ диагностикатын аппараатынан эбилиннэ, маммографияҕа «Маммо5МТ» систиэмэтэ туһаныллар.
Үрдүк технологиялаах саҥа тэриллэр ортолоругар лаборатория-диагностика сулууспатын тэриллэрэ (диагностикаҕа роботтаах систиэмэ, аныгы анализатордар, микроскоптар уо.д.а.) баар буоллулар.
Диагностика уонна суһал эндоскопия отделениета «OLYMPUS EVIS EXERA 3» фирма эспиэрт-кылаастаах видеоэндоскопическай аппаратураланна. Ону таһынан отделениеҕа куртах-оһоҕос трагын уорганнарын паталогиятыгар эндоскопия ультразвуковой чинчийиилэрэ ыытыллаллар.
Реанимация анестезиологиятын уонна интенсивнэй терапия отделениета саҥа ИВЛ аппарааттардаах уонна орон таһыгар ууруллар мониториннардаах. Бу саҥа тэрил нэһилиэнньэ доруобуйатыгар төһөлөөх улахан кылаатын киллэрэрин ардыгар санаан да көрбөппүт.
Онкология киинигэр сыл аайы 14 тыһыынча кэриҥэ киһи эмтэнэр, быраастар 3 тыһыынча кэриҥэ эпэрээссийэни оҥороллор. Бу барыта үчүгэй түмүктэрдээх.
Арыгы атыыта бэрээдэктээһин, сымыйа кафелары уонна «наливайкалары» утары охсуһуу салҕанарын туһунан Дьокуускай куорат мэрэ Евгений…
Хаҥалас улууһун 627 №-дээх быыбардыыр учаастакка Валерий Аркадьевич уонна Галина Акимовна Тетериннэр дьиэ кэргэннэрэ куоластаата.…
Болуодьа үлэтиттэн кэлээт, кураанах оҥойон турар оронугар сууллан түстэ. Дьэ буоллаҕа, Иирэтэ эмиэ ханна эрэ…
Балаҕан ыйын 12 күнүгэр ИДьМ Жатайдааҕы полициятын дьуһуурунай чааһыгар, Жатай бөһ. Севернай уулуссаҕа эдэр ыччаттар…
«Воин» киин өрөспүүбүлүкэҕэ ыытыллар Бүтүн Арассыыйатааҕы байыаннай-тактическай «Путь Воина» күрэхтэһиитин түмүктүүр түһүмэҕин ыытыы бэлэмин бэрэбиэркэлээтилэр.…
Балаҕан ыйын 13 күнүгэр Үөһээ Бүлүү улууһун Н.А. Золотарев аатынан Боотулуу орто оскуолатыгар сылын ахсын…