«Доруобуйа харыстабыла» национальнай бырайыагынан 2024 сыллааҕы былааннар

Ил Дархан Айсен Николаев 2024 сылга «Доруобуйа харыстабыла» национальнай бырайыагынан туох үлэ ыытыллыаҕын туһунан «Россия 24» ханаалга быһа эпииргэ билиһиннэрдэ.

-2024 сыла Уус Маайа улууһун Уус Маайа бөһүөлэгэр балыыһа комплекса уонна Сунтаар улууһун Элгээйи сэлиэнньэтигэр быраас амбулаторията үлэҕэ киллэриллэллэрэ  былааннанар.
-Доруобуйа харыстабылын 7 эбийиэгин тутуу салҕаныа уонна икки эбийиэк тутуута саҕаланыа, ол иһигэр Аллараа Бэстээххэ учаастактааҕы балыыһа уонна Үөһээ Бүлүү сэлиэнньэтигэр эмтиир куорпус.
-Бүлүүгэ тымыр бастакы отделениета уонна Өлүөхүмэ улууһун Оройуоннааҕы киин балыыһата мэдиссиинэ аныгы тэриллэринэн сэбилэниэҕэ.
-Дойду бырабыыталыстыбатын Арассыыйа Доруобуйаҕа харыстабылын министиэристибэтин өйөбүллэринэн Онкология киинин тутуу түмүктэнэр.
-Уон биэлсэр-акушер пуунугар модульнай конструкциялары уонна 46 массыынаны, мэдиссиинэ 64 тэрилин атыылаһыы былааннанар.

Санатан эттэххэ, Владимир Путин көҕүлээбит «Доруобуйа харыстабыла» национальнай бырайыак 2019 сылтан үлэлээн, мэдиссиинэ көмөтө олорор сиринэн табыгастаах буоларын тэрийии уонна хаачыстыбатын үрдэтии буолар.