Доруобуйа харыстабылыгар

Ил Дархан Айсен Николаев СӨ Бырабыыталыстыбатын 2024 сыллааҕы үлэтин отчуотугар доруобуйа харыстабылын эйгэтигэр тиһиктээх үлэ бара турара көһүннэ.

Ол курдук 2024 сыл олунньутугар Онкологическай киин үлэтин саҕалаабыт. 42 тыһ киһи көрдөрүммүт, 4 тыһ тахса эпэрээссийэ оҥоһуллубут.

Өрөспүүбүлүкэҕэ үрдүк технологическай көмөнү атын сиргэ барбакка ылар буолбуттара үөрүүлээх. 73 бырыһыан киһи ырааппакка бу көмөнөн туһаммыт.

18 хотугу улууска мобильнай медиктэр этэрээттэрэ үлэлээбит, мобильнай хирурдар 600 эпэрээссийэни миэстэтигэр оҥорбуттар.

161 земскэй хирург, земскэй биэлсэр кытыы нэһилиэнньэлээх пууннарга үлэлии тиийбиттэр. Ол да буоллар өссө да мэдисиинискэй каадырдар тиийбэттэр диэн тоһоҕолоон бэлиэтээтэ Ил Дархан.