sakha.gov.ru
Саха сиригэр доруобуйа харыстабылын бастакы сүһүөх звенотун саҥардан оҥоруу киэҥ далааһыннаах бырагыраамата салҕанар.
Билиҥҥи туругунан, өрөспүүбүлүкэ улуустарын олохтоохторугар мэдиссиинэ көмөтүн хаачыстыбатын тупсарарга аналлаах доруобуйа харыстабылын аҕыс бөдөҥ эбийиэгин тутуу тэтимнээхтик барар. Тутулла турар эбийиэктэр ортолоругар — Амма сэлиэнньэтигэр поликлиника, Бүлүүгэ, Ньурбаҕа, Намҥа, Андреевскайга эмтиир куорпустар, Майаҕа, Сангаарга балыыһа комплекстара, Аллараа Бэстээххэ учаастактааҕы балыыһа киирэллэр.
—Арассыыйа Бэрэсидьиэнэ В.Путин көҕүлээбит «Уһун уонна көхтөөх олох» национальнай бырайыак иитинэн, доруобуйа харыстабылын бастакы сүһүөх звенотун саҥардыы дьону-сэргэни үрдүк хаачыстыбалаах мэдиссиинэ көмөтүнэн хааччыйарга, аныгы инфраструктураны тэрийэргэ туһуланар, — диэн СӨ доруобуйа харыстабылын миниистирэ Лена Афанасьева бэлиэтиир.
Доруобуйа харыстабылыгар улахан тутуу судаарыстыба баһылыгын сорудахтарын толорууга «Доруобуйа» национальнай бырайыагынан саҕаламмыта. Ол курдук, 2019 сылтан саҕалаан, эрэгийиэн мэдиссиинэ 102 эбийиэгин үлэҕэ киллэрдэ.
Өрөспүүбүлүкэҕэ элбэх саҥа балыыһалар тутуллубуттара, ол иһигэр Бүлүүгэ, Ытык Күөлгэ, Чурапчыга, Уус Маайаҕа, Баатаҕайга, Хонууга, ону тэҥэ Уһук Илиҥҥэ бөдөҥ Сүрэх тымыр киинэ уонна Онкологическай киин тутуллубуттара. Маны таһынан, эрэгийиэҥҥэ сыл ахсын ыраах нэһилиэнньэлээх пууннарга биэлсэр-акушер пууннара, амбулаториялар тутуллаллар. Ахсааннара 94 тиийдэ.
Дойду Бэрэсидьиэнэ көҕүлээбит национальнай бырайыактарын олоххо киллэрии түмүгэр, өрөспүүбүлүкэ олохтоохторо ыарыыны кэмигэр быһаартаран, көдьүүстээхтик эмтэнэн, олохторун хаачыстыбатын тупсарар кыахтаналлар, аныгы мэдиссиинэ өҥөтүнэн хааччыллаллар.
Сиһилии: https://www.sakha.gov.ru/news/14724
СӨ Ил Дарханын уонна Бырабыыталыстыбатын пресс-сулууспата
Ас-үөл хаачыстыбатыгар уонна куттала суох буолуутугар Ил Дархан иһинэн координационнай сэбиэт мунньаҕар оскуолалары, уһуйааннары, социальнай…
Саха сиригэр дойду биир саамай бөдөҥ уонна технологическай өттүнэн уустук инфраструктурнай бырайыага – Өлүөнэ күргэтин…
Өрөспүүбүлүкэ борокуруора Сергей Дябкин сорудаҕынан, Ленскэй улууһун борокуратуурата Ленскэй куорат «Севернай» түөлбэҕэ хас да элбэх…
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…