Хаартыска: Доруобуйа харыстабылын министиэристибэтин сайтыттан
Былырыын, Саха АССР 100 сыллаах үбүлүөйүн чэрчитинэн, Доруобуйа харыстабылын министиэристибэтин иһитиннэрэр порталыгар «Медицина в историях» рубрика баар буолбута.
Бу рубрикаҕа доруобуйа харыстабылын салаата сайдарыгар улахан кылааттаах бэтэрээннэр– доруобуйа харыстабылын чаҕылхай бэрэстэбиитэллэрин туһунан суруйуулар бэчээттэнэн барбыттара.
Билигин рубрика матырыйааллара уонна сонуну киэҥник тарҕатар сириэстибэлэргэ тахсыбыт араас ыстатыйалар «Клятве верны.100 медицинских историй» электроннай кинигэ бастакы туомугар олук уурдулар.
Кинигэ Ил Дархан Айсен Николаев биллэрбит Үлэ сылыгар тахсыбыта кэрэхсэбиллээх.
«Бу кинигэ -– биһиги судаарыстыбабыт араас историческай кэмигэр доруобуйа харыстабылын систиэмэтин төрүттээбит, балыыһалары туппут, саҥа сулууспалары тэрийбит, наукаҕа саҥа арыйыылары киллэрбит, мэдиссиинэҕэ каадырдары бэлэмнээбит дьоҥҥо махтал бэлиэтэ. Бэйэлэрин ытык иэстэрин чиэстээхтик толорон, дьон өйүгэр-санаатыгар хаалбыт өрөспүүбүлүкэ доруобуйатын харыстабылын тэрийээччилэргэ, быраастарга, биэлсэрдэргэ, мэдиссиинискэй сиэстэрэлэргэ, санитаркаларга, аптыака үлэһиттэригэр билиниибитин этэбит», -– диэн доруобуйа харыстабылын миниистирэ Лена Афанасьева бэлиэтээн эттэ.
Кинигэни Арассыыйа Суруналыыстарын сойууһун чилиэнэ, суруналыыстыка салаатыгар В.В.Никифоров-Күлүмнүүр аатынан СӨ Судаарыстыбаннай бириэмийэтин лауреата Елена Воробьева, Арассыыйа Суруналыыстарын сойууһун чилиэнэ Зоя Игнатьева, Арассыыйа Суруналыыстарын, СӨ Суруйааччыларын сойуустарын чилиэнэ, СӨ үтүөлээх суруналыыһа Надежда Егорова-Намылы уонна суруналыыстыка өрөспүүбүлүкэтээҕи куонкурустарын лауреата уонна кыайыылааҕа Анна Полятинская хомуйан таһаардылар.
СӨ Доруобуйа харыстабылын министиэристибэтэ
Баччаларга, аһын барытын хомуйбут кэнниттэн, тэпилииссэни сернай шашканы уматан ыраастыыр үчүгэй. Ити эрээри бу дьаһал…
Бүгүн, балаҕан ыйын 17 күнүгэр, 13:00 чаастан Ил Дархан Айсен Николаев "Саха" ГТРК "Прямой разговор"…
Саха сиригэр Бүтүн Арассыыйатааҕы байыаннай-тактическай «Путь воина» күрэхтэһиитин бастакы күнэ ситиһиилээхтик саҕаланна. Бу күрэхтэһиигэ бэҕэһээ…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Аҕам саастаах уонна доруобуйаларыгар хааччахтаах дьон бородуукта атыылаһаллара, бырааска көрдөрө бараллара кыаллымыан сөп. Дьиэҕэ-уокка уонна…
Балаҕан ыйын 13 күнүгэр "Боотур" иһинэн тэриллибит "БАРС-2" этэрээт байыастара бойобуой сорудаҕы толоро сылдьан, дрону…