«Доруобуйа харыстабылын эбийиэктэрин тутууга эбии үп көрүллэриттэн үөрдүбүт»

Дойду Бэрэсидиьэнэ Владимир Путин Федеральнай Мунньахха туһаайбыт  этиитигэр доруобуйа харыстабылыгар улахан болҕомтону уурбутун Таатта улууһун Оройуоннааҕы киин балыыһатын кылаабынай бырааһа Сардаана Кононова бэлиэтээн эттэ.

– Владимир Путин чугастааҕы 6 сылга доруобуйа харыстабылын эбийиэктэрин тутууга, өрөмүөннээһиҥҥэ уонна сэбилээһиҥҥэ эбии триллион солкуобайдаах үп  бэриллиэҕин туһунан эттэ. Бу олус үчүгэй сонун.
Быраас амбулаторияларын уонна биэлсэр-акушер пууннарын тутуу бырагыраамата салҕанарын күүтэбит. Киин балыыһабыт кэлэктиибин аатыттан доруобуйа харыстабылыгар, ол иһигэр, тыа сиригэр болҕомто уурулларын иһин РФ бэрэсидьиэнигэр уонна бырабыыталыстыбатыгар махталбытын тириэрдэбит, -– диэтэ Сардаана Кононова.