Хаартыска Николаев-Киин тиксэриитэ
Бэҕэһээ, сэтинньи 8 күнүгэр, 35-гэр диэри саастаах быраастар, мэдиссиинэ сиэстэрэлэрэ, доруобуйа харыстабылын эйгэтин үлэһиттэрэ Николаев-Кииҥҥэ түмүстүлэр.
Манна Саха сирин Бастакы Бэрэсидьиэнэ М.Е.Николаев сырдык кэриэһигэр анаммыт «Открой для себя новое здравоохранение» диэн эдэр исписэлиистэргэ өрөспүүбүлүкэтээҕи күөн күрэс түмүктүүр түһүмэҕэ буолла. Эдэр исписэлиистэр бэйэлэрин бырайыактарын билиһиннэрдилэр. Бу туһунан Николаев-Киинтэн иһитиннэрэллэр.
Бастыҥынан Өрөспүүбүлүкэтээҕи 2 №-дээх балыыһа — Мэдиссиинэ суһал көмөтүн киинэ «Стремление» бырайыага буолбут. Иккис бириистээх миэстэҕэ Е.Н.Андреев аатынан фтизиатрия киинэ «Фтизиатрия» НПЦ тахсыбыт. Үсүһү Мэҥэ Хаҥалас оройуоннааҕы киин балыыһатыттан «Өрөгөйдөр» кэлэктиип ылбыт.
Тэрийээччилэр бэлиэтээбиттэринэн, эдэр новатордар дириҥ билиилэрин-көрүүлэрин көрдөрөллөрүн таһынан, айар дьоҕурдаахтарын эмиэ көрдөрбүттэр. Сорох хамаандалар «Моя здоровая рутина» уонна «Я – медик. История из первых рук» диэн тиэмэлэринэн бэлэмнээбит видеонан роликтарын көрдөрбүттэр. Хамыыһыйаҕа СӨ доруобуйа харыстабылын министиэристибэтиттэн, М.К.Аммосов аатынан ХИФУ мэдиссиинэҕэ институтуттан бэрэстэбиитэллэр, уо.д.а. киирбиттэр.
Күөн күрэс кыттыылаахтарын СӨ Бырабыыталыстыбатын Бэрэссэдээтэлин солбуйааччы Георгий Степанов эҕэрдэлээбит.
—Ытык киһибит эрэгийиэҥҥэ доруобуйа харыстабылын үлэтэ сайдарыгар улахан болҕомтотун уурара. 2027 сылга Саха сирин Бастакы Бэрэсидьиэнэ М.Николаев 1992 с. тохсунньу 13 күнүнээҕи «О первоочередных мерах по совершенствованию здравоохранения Республики Саха (Якутия)» ыйааҕа ылыллыбыта 35 сылын бэлиэтиэхпит, — диэбит Георгий Степанов.
Миэдиктэргэ эҕэрдэ тылын СӨ доруобуйа харыстабылын миниистирэ Лена Афанасьева тиэрдибит. Кини доруобуйа харыстабылын сайыннарыыга биир сүрүн суолталаах хайысханан мэдиссиинэ үлэһиттэрин үрдүк таһымнаахтык бэлэмнээһин буоларын ыйбыт. Бу үлэ РФ Бэрэсидьиэнэ Владимир Путин көҕүлээбит «Уһун уонна көхтөөх олох» национальнай бырайыак иитинэн ыытылларын бэлиэтээбит.
—Күрэс — суолталаах көҕүлээһиннэри саҕалыырга, олоххо киллэрэргэ туһалаах былаһаакканан буолар. Бастыҥ бырайыактар олоххо хайаан да киириэхтэрэ диэн эрэнэбин, — диэн М.К.Аммосов аатынан ХИФУ мэдиссиинэҕэ институтун дириэктэрэ Николай Гоголев санаатын үллэстибит.
Күөн күрэс талааннаах каадырдары быһаарар, эрэгийиэҥҥэ доруобуйа харыстабылын сайыннарарга инновационнай идиэйэлэри өйүүр сыаллаах.
Сиһилии: https://www.sakha.gov.ru/news/15102
СӨ Ил Дарханын уонна Бырабыыталыстыбатын пресс-сулууспата
Николаев-Киин хаартыската
Ааҕааччыларбытыттан ыйытыылар киирэ тураллар. Соторутааҕыта быыһыгар маҥаннаах таба этин атыыласпыттарын туһунан видео тарҕаммыта. Ону көрбүт…
Бүгүн, сэтинньи 9 күнүгэр, Өлүөхүмэ улууһугар аналлаах оһуохай түһүлгэтэ бэрт тэрээһиннээхтик ааста. Куоракка олорор өлүөхүмэлэр…
Сэбиэскэй кэмҥэ эдэр ийэ-аҕа буола сылдьыбыт төрөппүттэр кырачаан оҕоҥ сылайдаҕына эбэтэр атаахтааҕына уоскута түһэргэ оҕо…
Саха тапталлаах ырыаһыта, ырыа айааччы, СӨ үтүөлээх артыыската Тамара Попова сыанаҕа тахсыа эрэ кэрэх, көрөөччүлэр…
Ньурба куоратыттан төрүттээх Павел Илларионов бастаан утаа, 2023 сыл балаҕан ыйыгар, Донецкай эргин баар тирэх…
Биир аҕа уолугар: “Ити чап-чараас бачыыҥкалаах дьону үтүктүмэ, кинилэр кыһыҥҥы тоһуттар тымныыга атахтарын таҥаһыгар сылаас,…