Хаартыска: SakhaGov
Саха сиригэр доруобуйа харыстабылын бастакы сүһүөх звенотун модернизациялааһын чэрчитинэн, Саха сиригэр мэдиссиинэ бөдөҥ эбийиэктэрэ тэтимнээхтик тутуллаллар.
Майа сэлиэнньэтигэр уонна Сангаар бөһүөлэгэр балыыһа саҥа комплекстара, Амма сэлиэнньэтигэр поликлиника, Бүлүү куоракка, Нам уонна Андреевскай сэлиэнньэлэригэр, Ньурба куоракка балыыһа куорпустара, Аллараа Бэстээххэ учаастактааҕы балыыһа тутуллаллар.
СӨ Доруобуйа харыстабылын министиэристибэтэ иһитиннэрэринэн, былырыын өрөспүүбүлүкэ улуустарыгар балыыһа 3 улахан комплекса, Сунтаар улууһун Элгээйи сэлиэнньэтигэр амбулатория уонна 13 биэлсэр-акушер пууна үлэҕэ киллэриллибиттэрэ. Национальнай бырайыактары олоххо киллэрии сылларыгар Баатаҕайга, Бүлүүгэ, Ытык Күөлгэ, Хонууга, Чурапчыга уонна Уус Маайаҕа мэдиссиинэ аныгы дьиэлэрэ дьэндэйбиттэрэ.
СӨ доруобуйа харыстабылын миниистирэ Лена Афанасьева бэлиэтээн эппитинэн, Арассыыйа Доруобуйатын харыстабылын министиэристибэтин, Саха сирин Ил Дарханын уонна бырабыыталыстабытын тиһиктээх өйөбүллэринэн мэдиссиинэ инфраструктуратын киэҥник саҥардыы салҕанар.
«Үгүс эргэрбит эбийиэктэр саҥаҕа уларытылыннылар, билигин Саха сирин олохтоохторо мэдиссиинэ хаачыстыбалаах көмөтүн үчүгэй усулуобуйаҕа ылаллар”, — диэн миниистир иһитиннэрдэ.
Санатан эттэххэ, Арассыыйа бэрэсидьиэнэ Владимир Путин көҕүлээбит “Уһун уонна көхтөөх олох” саҥа национальнай бырайыагын чэрчитинэн, саҥа эбийиэктэр баар буолаллара торумнанар. Ол курдук, 2030 сылга диэри доруобуйа харыстабылын 15 бөдөҥ эбийиэгин тутуу, 109 түргэнник хомуллар модульнай конструкцияны таҥыы, 88 эбийиэги олохтоохтук өрөмүөннээһин, 239 тырааныспары уонна 19 көһө сылдьар мобильнай комплексы атыылаһыы, мэдиссиинэ 1014 тэрилин атыылаһыы сабаҕаланар.
СӨ Ил Дарханын уонна бырабыыталыстыбатын пресс-сулууспата
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…