Хаартыска: minzdrav.sakha.gov.ru саайтан.
Дьокуускай куорат 8 ыйдаах ыарыһаҕар мэдиссиинэ тэрилтэтигэр көмөнү оҥоруу туһунан социальнай ситимнэргэ тарҕаммыт таһаарыыларынан, СӨ Доруобуйа харыстабылын министиэристибэтэ иһитиннэрэр.
2023 сыл алтынньы 11 күнүгэр 8 ыйдаах Т. ийэтэ оҕом температурата таҕыста, быһыы ылбыт сирин онно кытарда уонна ОРВИ сибикитэ баар диэн олорор сирин поликлиникатыгар көрдөрбүт. Кырачааҥҥа табыгастаах эмтэниини анаабыттар, кэтээн көрөргө быһаарбыттар.
2023 сыл алтынньы 12 күнүгэр хаттаан көрүү кэнниттэн оҕону уҥа өттүгэр инфицированнай баастаах М.Е.Николаев аатынан национальнай мэдиссиинэ киинигэр – 1-кы нүөмэрдээх өрөспүүбүлүкэтээҕи балыыһа Педиатрияҕа киинигэр киллэрбиттэрэ.
Күн бүгүн оҕо балыыһаҕа эмтэнэ сытар. Педиатрия киинин ириҥэлээх хирургия салаатыгар маннык ыарыһахтары эмтииргэ бары ирдэнэр усулуобуйа баар, оҕону эминэн уонна профильнай исписэлиистэр көрүүлэринэн, сүбэлэринэн хааччыйаллар. Ийэтин кытта күннэтэ быһаарар үлэ, оҕо туругун туһунан иһитиннэрии ыытыллар.
Оҕоҕо инфекционнай ыарыы диагноһын туруораат даҕаны тута поликлиникаҕа иһинээҕи бэрэбиэркэ ыытыллыбыта. Күн бүгүн санитарнай-эпидемиологическай бэрэбиэркэ бүтэн эрэр. Булгуччулаах ирдэбили кэһии баара билиннэҕинэ, кэһиини таһаарбыт дьоҥҥо сөптөөх миэрэ ылыллыаҕа.
СӨ Доруобуйа харыстабылын министиэристибэтэ биэдэмэстибэннэй бэрэбиэркэни ыытыа, ол түмүгүнэн миэрэлэр ылыллыахтара диэн Доруобуйа харыстабылын министиэристибэтин саайтыгар суруллар. Сиһилии манна ааҕыҥ.
Истэрин истэр этим, ааҕарын ааҕар этим да, эмэн сааспар көрбөтөхпүн көрөммүн бэри диэн бэккиһээн, сөрү…
Күн 4197 нүөмэрдээх куттааллах чааһа Сир диэки хайыста, диэн РНА Космос чинчийиилэрин институтун (КЧИ) Күн…
Хотугулуу-Илиҥҥи федеральнай университет байыаннай дьайыы кыттыылаахтарын туһунан «Эһиги биһиги өйбүтүгэр-санаабытыгар хаалаҥҥыт, мэлдьи тыыннаах буолуоххут» диэн…
Бу күннэргэ «Дьокуускайдааҕы үүт собуота» ХЭТ сыыр сыаҕар саҥа сезона үөрүүлээхтик аһылынна. Сыах 1996 сылтан…
Анаабыр улууһун Сааскылаах сэлиэнньэтигэр Мииринэй оройуонун суута таһаарбыт бириигэбэрэ сокуоннай күүһүгэр киирдэ. Дьахтар сулууспалыыр балаһыанньатын…
Сүбүөкүлэни хостоотоххутуна, эбэтэр сэбирдэхтээх эдэр сүбүөкүлэни атыыластаххытына, сэбирдэҕин быраҕымаҥ. Онтон олус минньигэс кэтилиэттэри бэлэмниэххэ сөп.…