Доруобуйа харыстабылын тэрилтэлэрэ мэдиссиинэ тэриллэринэн хааччыллаллар

2024 сылга аныгы мэдиссиинэ тэриллэринэн хааччыллыы салҕанар.

«Доруобуйа харыстабыла» национальнай бырайыагы олоххо киллэрии иитинэн, быйыл өрөспүүбүлүкэ мэдиссиинэҕэ тэрилтэлэригэр 64  тэрил атыылаһыллар.

—Билигин 43  тэрили ыларга сэттэ хантараак түһэрсилиннэ. Олорго 10  стационарнай УЗИ, 13  көһө сылдьар рентген аппараата, уо.д.а. бааллар. Бары тэриллэр улуустарга туруоруллуохтара, — диэн иһитиннэрэллэр СӨ доруобуйа харыстабылын министиэристибэтиттэн.

Билигин көһө сылдьар УЗИ аппарааттара, эндоскоптар, уо.д.а. араас наадалаах тэриллэр көрүллэллэр.

Санатан эттэххэ, Ил Дархан Айсен Николаев эрэгийиэҥҥэ доруобуйа харыстабылын тэрилтэлэрин тэрилинэн хааччыйыыны сүрүн соругунан туруорар. Бу хаачыстыбалаах уонна тупсаҕай эйгэни тэрийии биир хайысхатынан буолар.

СӨ Ил Дарханын уонна Бырабыыталыстыбатын пресс-сулууспата