Хаартыска: SakhaGov
Саха сирин Оройуоннааҕы балыыһаларыгар мэдиссиинэ 45 тырааныспара бэрилиннэ. Тиэхиньикэ Арассыыйа бэрэсидьиэнэ Владимир Путин көҕүлээбит “Уһун уонна көхтөөх олох” национальнай бырайыак доруобуйа харыстабылын бастакы сүһүөх звенотун модернизациялааһын бырагырааматын олоххо киллэрии чэрчитинэн атыылаһылынна.
Доруобуйа харыстабылын министиэристибэтэ иһитиннэрэринэн, саҥа тырааныспар улуус балыыһаларыгар ыытылынна уонна нэһилиэнньэ доруобуйатын көрөргө-истэргэ, эмтэнээччилэри илдьэргэ-аҕаларга, лаборатория матырыйаалларын уонна эмтээх препараттары тириэрдэргэ туһаныллар.
“Балыыһа массыынатын паарката доруобуйа харыстабылын бастакы сүһүөх звенотун модернизациялааһын бырагырааматынан сыл аайы саҥардыллар. Тиэхиньикэнэн сэбилэнии улуус кииннэриттэн ыраах сытар нэһилиэктэр олохтоохторун мэдиссиинэ өҥөтүнэн хааччыйыы биллэ тупсарыгар көмөлөһөр”, — диэн СӨ доруобуйа харыстабылын миниистирэ Лена Афанасьева иһитиннэрдэ.
Манна сыһыаран эттэххэ, 2019 сылтан өрөспүүбүлүкэ доруобуйатын харыстабылын тэрилтэлэригэр 372 саҥа массыына, ол иһигэр 92 «суһал көмө» уонна 19 мобильнай көһө сылдьар комплекс, бэрилиннэ.
СӨ Ил Дарханын уонна бырабыыталыстыбатын пресс-сулууспата
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…