Хаартыска: Мария Васильева, СИА
Доруобуйа харыстабылын эбийиэктэрин саҥардыы хайысхатынан өрөспүүбүлүкэбитигэр үгүс өрүттээх үлэ ыытыллар. Ил Дархан Айсен Николаев балыыһалар, поликлиникалар тутууларын, манна саҥа оборудованиелар кэлиилэрин, үрдүкү технология киириитин барытын тус хонтуруолугар илдьэ сылдьар.
Кэлиҥҥи биэс сыл иһигэр доруобуйа харыстабылыгар барыта 67 эбийиэк тутулунна. Ол иһигэр Уһук Илиҥҥи эрэгийиэннэргэ биир улахан тутуулар ахсааннарыгар киирсэр сүрэх, тымыр ыарыыларын эмтиир кииммит, искэн ыарыыны эрдэттэн көрөр диспансербыт үлэҕэ киирбиттэрэ. Тутуулар аҥаардас Дьокуускай куоракка эрэ буолбакка өрөспүүбүлүкэ ыраах улуустарыгар эмиэ тутуллаллар. Холобур, бу күннэргэ Орто Халымаҕа Налимскайга, Горнай улууһун саамай ыраах сытар нэһилиэгэр Кэптиҥҥэ амбулаториялар, Бүлүү Дьөккөнүгэр фельдшер-акушер пууна арыллан үлэлэрин саҕалаатылар.
Бу сыл бүтүөр диэри өссө тоҕус оройуоҥҥа балыыһалар олоххо киириэхтээхтэр. Ол иһигэр Таатта улууһун киин балыыһата сотору кэминэн эмтэнээччилэргэ аанын аһыахтаах. Нерюнгритааҕы оройуоннааҕы балыыһа хирургиятын саҥа блога эмиэ тутуллан бүтүөхтээх.
Ил Дархан Айсен Николаев дьаһалынан хас биирдии балыыһа саҥа оборудованиеларынан, тиэхиньикэнэн хааччыллар. Бу боппуруоһу Айсен Сергеевич бэйэтин тус хонтуруолугар илдьэ сылдьар. 2018–2022 сылларга Саха сиригэр барыта 229 саҥа тырааныспар кэлэн балыыһаларынан тарҕанна, ол иһигэр 16 көһө сылдьар коплекс-массыына. Итини таһынан 663 медицина оборудованиета саҥардыллыбыта.
Айсен Сергеевич этиитинэн быйылгыттан өрөспүүбүлүкэбитигэр “Мобильнай быраастар” диэн бырайыак үлэлээбитэ. Бу бырайыак чэрчитинэн быраастар Арктика, хотугу улуустарга, ону таһынан киин сиртэн ыраах, суола-ииһэ суох нэһилиэнньэлээх пууннарга баран дьон-сэргэ доруобуйатын көрөн кэлэллэр. Манна даҕатан эттэххэ, Айсен Сергеевич дьаһалынан билигин балыыһаларга аһылык боппуруоһа, оскуолаларга, оҕо саадтарыгар оҕолор итии аһылыгынан, оҕуруот аһынан сылы эргиччи хааччыллыылара быдан тубуста.
Урукку сылларга бырабыыталыстыба отчуотугар тыа сиригэр быраас, фельдшер тиийбэт диэн нэһилиэнньэ туруорсар этэ. Өрөспүүбүлүкэҕэ бу боппуруоһу быһаарыыга “Земский доктор”, “Земский фельдшер” диэн анал бырагыраамалар үлэлээбиттэрэ номнуо уонтан тахса сыл буолла. Уонча сыл иһигэр бу бырагарыыманы туһанан 1083 быраас, 147 фельдшер кэлэн тыа сиригэр үлэлээтэ. Айсен Николаев манна уларытыылары киллэрэн, бырагыраама билигин саҥалыы тыыннанна. Онон быйыл саҥардыллыбыт бырагырааманан 149 медицина үлэһитэ кэллэ. Балартан 50 быраас хотугу улуустарга ананан барыахтара.
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
Модун кыахтаах Сэбиэскэй судаарыстыба улуу нуучча норуотун салалтатынан биэс сыллаах алдьархай аргыстаах Аҕа дойду сэриитин…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…