Доруобуйа кииннэрэ тугунан дьарыктаналларый?

Дьокуускайга уонна 8 улууска — Алдаҥҥа, Ленскэйгэ, Мииринэйгэ, Мэҥэ Хаҥаласка, Намҥа, Нерюнгригэ, Сунтаарга, Томпоҕо улахан дьоҥҥо Доруобуйа кииннэрэ үлэлииллэр. Бу кииннэр тугунан дьарыктаналларый? Ол туһунан доруобуйа харыстабылын министиэристибэтэ иһитиннэрдэ.

Кииҥҥэ тиийдэххэ, бастаан анкетаны толортороллор. Онно доруобуйаҥ туругун барытын суруйаҕын. Быраас ону көрөн баран, тус бэйэҕэр доруобай, чөл олох бырагырааматын оҥорон биэрэр. Тугу аһыыргын, ханнык бородууктаттан аккаастанарыҥ ордугун, утуйар, үлэлиир, хамсанар эрэсиимҥин, о.д.а. ааҕан-суоттаан биэрэр.

Бу кэнниттэн, кэмиттэн кэмигэр тиийэҥҥин көрдөрүнэҕин, доруобуйаҥ туругун, тус бырагырааманы тутуспутуҥ кэнниттэн тупсубутун-тупсубатаҕын кэтээн көрөллөр.

Доруобуйа киинигэр суруйтарарга: уопсай колл-киин нүөмэригэр 122 эрийэҕит, Дьокуускайга — регистратура нөҥүө  +7 (4112) 50-88-18.