Доруобуйа туругун быһаарар үлэ тупсарыллар

Байыаннай сулууспаҕа талыы кэлим киинигэр хантарааҕынан сулууспалыы барыан баҕалаах дьон доруобуйатын туругун бэрэбиэркэлээһин үлэтэ тупсарыллар. Бу туһунан «Абырал» санаторий кылаабынай бырааһа Алена Иванова брифиҥҥэ кэпсээтэ.

— Доруобуйа туругун быһаарарга биһиги дьон электроннай каартатын дааннайдарын ылан көрөбүт, туһанабыт. Ол бириэмэни, сыраны кэмчилиир, сулууспалыан баҕалаах дьоҥҥо да табыгастаах. Тоҕо диэтэр, урут ааспыт мэдиссиинискэй чинчийиилэрин хос-хос барбаттар, — диэн кини кэпсээтэ.

Хантарааҕынан байыаннай сулууспаҕа талыы кэлим киинэ  «Абырал» санаторий дьиэтигэр сарсыарда 9 чаастан киэһэ 6 чааска диэри  үлэлиир. Аадырыһа: Дьокуускай к., Сэргэлээх шоссе 11 км., 1 куорпус.

Ил Дархан, бырабыыталыстыба пресс-сулууспата.