Хобордооҕунан сынньан киһини өлөрбүт буруйдаах дьыалата суукка ыытылынна

Өлүөхүмэ оройуонун борокуратуурата РФ Холуобунай кодексатын 111-с ыстатыйатын 4-кы чааһынан (соруйан доруобуйаҕа ыар эчэйиини оҥоруу, сэрэҕэ суохтан эмсэҕэлээччи өлүүтүгэр тиэрдии) көрүллүбүт буруйу оҥорууга буруйданар 39 саастаах граждан холуобунай дьыалатыгар буруйдуур түмүгү бигэргэттэ.

Бастакы силиэстийэ быһаарбытынан, буруйданааччы булчут үүтээнигэр билэр киһитин кытта арыгы иһэн олорон, тыл-тылга киирсибэккэ, айдаарсыбыттар. Айдаан кэмигэр эмсэҕэлээччи буруйданааччыны төбөҕө, этигэр-сиинигэр уонна илиитигэр-атаҕар охсуталаабыт. Ол курдук, буруйданааччы хобордоҕунан 60-тан тахса охсон, айдааны саҕалаабыт киһини өлөрбүт. Эмсэҕэлээччи биир суукка буолан, олохтоох амбулаторияҕа тыына быстыбыт. Буруйдуур түмүк бигэргэммитин кэннэ холуобунай дьыала суукка ыытылынна. Буруйданааччы 15 сылга диэри көҥүлэ быһыллыан сөп, диэн СӨ Борокуратууратын пресс-сулууспата иһитиннэрэр.