Хаартыска sakha.gov.ru ылылынна
Сыл саҕаланыаҕыттан эрэгийиэннээҕи 122 «быһа лиинийэҕэ» 15,4 төлөпүөннээбиттэр. Ааспыт нэдиэлэҕэ уоппуска, байыаннай сулууспалаахтар дьиэ кэргэннэригэр өйөбүл миэрэлэр, доруобуйаны чөлгө түһэрии туһунан ордук токкоолоспуттар.
Бу туһунан брифиҥҥэ 122 «быһа лиинийэни» салайар Мария Винокурова иһитиннэрдэ.
«Байыаннай дьайыы кыттыылаахтара уонна кинилэр дьиэ кэргэннэрэ мэдиссиинискэй реабилитацияҕа суруйтарарга олорор аадырыстарынан поликлиникаларыгар пациеннары арыаллыыр сулууспаҕа, ол иһигэр ЦРБ поликлиникатыгар кэлиэхтэрин сөп. Эһигини ол күн быраас көрөн направление суруйар. Чөлгө түһэрэргэ Дьокуускай к. өрөспүүбүлүкэтээҕи реабилитациялыыр уонна спортивнай мэдиссиинэ киинэ (Чайковскай уул. 117/2), «Абалаах отделениета» филиал (Аллараа Бэстээх), Өрөспүүбүлүкэтээҕи 1 №-дээх балыыһа — Мэдиссиинэ национальнай киинэ (Сэргэлээх суолун 4) үлэлэһэллэр. Маны сэргэ, 1 №-дээх поликлиникаҕа 422 хоско сурутуута суох тиийэн, инбэлииттэри реабилитациялыыр социальнай-чэбдигирдэр кииҥҥэ направление ылыахха сөп (Рихард Зорге уул. 8)«, — диэн иһитиннэрэр Мария Винокурова.
Доруобуйаларын сиһилии бэрэбиэркэлэтэллэригэр, госпитальга киирэргэ, санаторнай-курортнай эмтэниигэ 122 (эбии 4) «быһа лиинийэҕэ» эрийэн сурутуохха сөп.
«Уоппускаҕа сылдьар байыаннай сулууспалаах 1 №-дээх поликлиникаҕа тиийбитигэр, тута, өрөспүүбүлүкэтээҕи реабилитациялыыр уонна спортивнай мэдиссиинэ киинигэр ыыппыттара. Кини билигин онно эмтэнэр. Өрөспүүбүлүкэтээҕи 1 №-дээх балыыһаҕа оройуоннааҕы киин балыыһа направлениетынан байыаннай сулууспалаах киирбитэ. Кини икки нэдиэлэ устатыгар доруобуйатын чэбдигирдиммитэ«, — диир кини.
Байыаннай сулууспалаахтары уонна кинилэр дьиэ кэргэннэрин өйүүр миэрэлэр тустарынан сиһилии мантан билиэххэ сөп:
СӨ Ил Дарханын уонна Бырабыыталыстыбатын пресс-сулууспата
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…