Доруобуйаларынан хааччахтаах дьон бэстибээлин тэрээһинин дьүүллэстилэр

Ыам ыйын 30 күнүгэр Таатта улууһун дьаһалтатын актовай саалатыгар доруобуйаларынан хааччахтаах дьоҥҥо култуура-успуорт бэстибээлин ыытыыга тэрийэр хамыыһыйа мунньаҕа буолла.

Бэстибээл бу бэс ыйын 29-30 күннэригэр Таатта улууһун Чычымах сэлиэнньэтигэр буолар. Мунньахха успуорт уонна култуура тэрээһиннэрии ыытыы усулуобуйатын, бэлэмнэнии боппуруостарын дьүүллэстилэр.

Тэрийэр хамыыһыйа мунньаҕар Таатта улууһун баһылыга Айаал Бурцев, инбэлииттэр өрөспүүбүлүкэтээҕи уопсастыбаларын бэрэссэдээтэлэ Ирина Лебедева кытыннылар.