Доруобуйаларынан хааччахтаах дьон үлэлэрин батаран эрэллэр

     Бу күннэргэ «Харысхал» аһымал пуонда туой оҥоһуктары оҥорор уонна таҥас ииһин мастарыскыайдарын атыытын батарар питчинг-биһирэми тэрийэн ыытта.

Пуонда салайааччыта Любовь Клюкина иһитиннэрбитинэн, тэрээһиҥҥэ бу идиэйэни өйүүр уонна интэриэһиргиир дьон кыттыыны ыллылар. Инбэлиит оҕолор мастарыйскыайдара (инклюзивная матстерская) — Владимир Потанин Аһымал пуондатын «Тирэх туочука» куонкуруһун гранын кыайыылаах бырайыага.  Соруга — инбэлиит ыччаттарга уонна инбэлиит оҕолоох ийэлэргэ үлэ миэстэтин арыйыы.

Питчинг-биһирэм кыттыылаахтара туойтан бастакы оҥоһуктары, үлэ ис хоһоонун, хаамыытын билистилэр, интэриэһиргиир боппуруостарыгар хоруйдары ыллылар. Бастакы табаары «Go green» экотабаар маҕаһыынын салалтата батарыах буолла. Маны таһынан, оҥоһуктары инбэлиит дьону өйүүр инниттэн бэлэххэ эмиэ ылыахха сөп. Инклюзивнай мастарыскыай табаардарын ылыан баҕалаахтар «Харысхал» пуонда социальнай тиһиктэригэр эбэтэр колкииҥҥэ 8-914-2-705-887 нүөмэргэ эрийэн билсиэххитин син. Аттыбытыгар сылдьар доруобуйаларынан хааччахтаах дьоҥҥо көмөлөһүөҕүҥ, күүс-көмө буолуоҕуҥ!