Хаартыска: Үлэ уонна социальнай сайдыы министиэристибэтин пресс-киинэ
Саха сиригэр доруобуйаларынан хааччахтаах дьоҥҥо социальнай сабыдыаллааһын бырайыагын олоххо киллэрии чэрчитинэн, Дьокуускайга саҥа айар мастарыскыай аһылынна.
Алтынньы 11 күнүгэр доруобуйаларынан хааччахтаах дьон үлэҕэ саҥа үөрүйэҕи ылалларын уонна инникитин үлэлиир кыахтаналларын туһугар айар мастарыскыай аһылынна. Дьокуускай куорат Пушкин уулуссатын 31 нүөмэрдээх дьиэтигэр олохсуйбут “Ситим” мастарыскыай дьиэтэ социальнай хааччыйыы өрөспүүбүлүкэтээҕи биир кэлим киинигэр букатыннаахтык бэрилиннэ. Манна үлэ былаһааккатын тэрийэргэ өрөмүөн үлэтэ ыытыллыбыта, наадалаах тэриллэри атыыласпыттара.
Айар мастарыскыай үөрүүлээх аһыллыытыгар Саха Өрөспүүбүлүкэтин үлэҕэ уонна социальнай сайдыыга миниистирин бастакы солбуйааччы Альбина Трубина, СӨ Судаарыстыбаннай мунньаҕын (Ил Түмэн) дьиэ кэргэҥҥэ уонна оҕо аймах дьыалаларыгар бастайааннай кэмитиэтин бэрэссэдээтэлэ Алена Атласова, Ил Түмэн норуодунай дьокутаата Афанасий Постников кытыннылар.
Мастарыскыай аһыллыытын сыалынан-соругунан бырайыакка кыттар доруобуйаларынан хааччахтаах дьону дьарыктаах оҥоруу, инникитин кинилэр бэйэлэрэ үлэлииллэрин уонна сакаастары ылалларын хааччыйыы буолар. Манна сыһыаран эттэххэ, хайыы үйэ 100 устуука утуйар таҥаһы тигэргэ сакаас киирбит.
Мастарыскыай аан бастаан 2 хайысханан: иискэ уонна туойунан охсууга үлэлиэҕэ. Бу мастарыскыайдар иккиэн наадалаах тэриллэринэн уонна матырыйаалларынан хааччылыннылар. Доруобуйаларынан хааччахтаах хас биирдии киһи дьарыктаах буоларыгар тус-туспа бырагыраама оҥоһуллан, кинилэргэ уопуттаах маастардартан уонна исписэлиистэртэн куратордар сыһыарылыннылар.
“Ситимҥэ” барыта 16 киһи үлэҕэ ылылынна.
БЫҺААРЫЫ:
Социальнай сабыдыаллааһын бырайыага 2021 сыл кулун тутарыттан Ил Дархан Айсен Николаев өйөбүлүнэн олоххо киллэриллэр. Бырайыакка доруобуйаларынан хааччахтаах 37 эдэр киһи кыттар, кинилэртэн 12-тэ – социальнай хааччыйыы тэрилтэлэригэр эппиэкэҕэ сылдьааччы, 25 — төрөппүттэрдээх дьиэ кэргэнтэн.
Билигин бырайыак кыттыылаахтара тустаах түмүктэри көрдөрөллөр, олоххо-дьаһахха уонна үлэҕэ дьоҕурдарын сайыннараллар. Кинилэр бырайыак олоххо киллэриллэр кэмигэр Ленинград уобалаһын Мульти-киинигэр уйулҕа трениннэригэр кыттыбыттара уонна үөрэммиттэрэ. Кэлин өрөспүүбүлүкэ тэрилтэлэригэр үлэҕэ ылыллыбыттара.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…