Доруобуйаларынан хааччахтаах дьон күнүн чэрчитинэн, Чурапчы улууһун Кытаанах нэһилиэгин «Сыккыс» түмсүүтэ улуустааҕы «Ускуустуба, култуура уонна тутулуга суох олох» декада аһыллыытын бастакытын тэрийэн ыытта.
Манна «Үҥкүүлээ» инклюзивнай үҥкүү күрэҕэр биһигиттэн Николай Суздалов «Өй- сүрэх мөккүөрэ» үҥкүүнү туруоран, Роман Максимовтыын үҥкүүлээн, Гран-при, онтон Михаил Пономарев быыстапкаҕа (чорооннор, кытыйалар) 1 миэстэни ыланнар үөрүүбүт муҥура суох.
Аҕа баһылыкпыт Егор Николаевич Потапов эҕэрдэ тылын этэн, «100 лиитэрэ бэнсиин» бэлэхтиибин диэбитин, көрөөччүлэр дохсун ытыс тыаһынан уруйдаатылар.
Тымныыны аахсыбакка, бириэмэлэрин аттаран кэлэн тэрээһиммит таһымын үрдэппит бары тэрилтэ салайааччыларыгар, балыыһа кэлэктиибигэр, социальнай харалта киинигэр, спонсордарбытыгар улахан ис хоһоонноох бэлэҕи онорбуккутугар, баһылыкпытыгар Егор Николаевич Потаповка кэлиини-барыыны тэрийбиккэр, сымнаҕас айаннаах суоппарбытыгар Альберт Собакиҥҥа улахан махталбын тиэрдэбин.
Манна даҕатан эттэххэ, «Сыккыс» түмсүү 2007 сылтан тэриллэн үлэлиир. Нэһилиэкпитигэр олорор доруобуйаларынан хааччахтаах дьону түмэр, аралдьытар, олоххо көхтөрүн өрө көтөҕөр сыаллаах-соруктаах үлэлиир.
Парасковья НОВГОРОДОВА, «Сыккыс» түмсүү салайааччыта.
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…