ХААРТЫСКАЛАР: СӨ доруобуйа харыстабылын министиэристибэтин саайтыттан ылылынна
Ил Дархан СӨ Судаарыстыбаннай Мунньаҕар (Ил Түмэҥҥэ) туһаайыытыгар доруобуйа харыстабылыгар 2030 сылга диэри эрэгийиэннээҕи саҥа бырагырааманы ыларга сорудахтаата.
Ил Дархан бастакы бэрэсидьиэн Михаил Николаев чөл олох доктринатын биллэрбитин санатта.
«2030 сылга диэри ылыллар бырагыраама бары хайысхаларга чопчу дьаһаллардаах буолуохтаах – киэҥ хабааннаах иһитиннэрэр хампаанньалартан, социальнай эрэкэлээмэлэртэн наркология сулууспатын бөҕөргөтүүгэ,уйулҕа уонна ыксаллаах көмө ситимнэрин кэҥэтиигэ тиийэ. Ыҥырыылары чиэһинэйдик ылыныахха, луоһуннартан дьиҥнээх үлэҕэ тиийиэххэ наада”, — диэтэ Ил Дархан.
Кини 2021-2030 сыллары Доруобуйа уон сылынан биллэрбитин санатта.
«Биһиги бу кэм ортоку кэрчигэр сылдьабыт уонна түмүктэр бааллар. Биэс сыл иһигэр куораттарга уонна улуустарга мэдиссиинэ уонунан эбийиэктэрэ үлэҕэ киллэрилиннилэр уонна өрөмүөннэннилэр, сүүһүнэн саҥа тэрил, ол иһигэр көмпүүтэр уонна магнитнай-резонанснай томографтар, ангиографтар, ыарыыны быһаарар тэриллэр атыылаһылыннылар. Мэдиссиинэ саҥа эбийиэктэрин тутуу уонна наадалаах тэрилинэн хааччыйыы салҕаныаҕа. Матырыйааллары уонна тэриллэри тириэрдии судургута суох усулуобуйатыгар үлэлииргэ күһэллиэхпит. Бу түһүмэхтэргэ – бырайыактааһынтан үлэҕэ киллэриигэ уонна бастакы эмтэнээччилэри көрсүүгэ тиийэ, дьиссипилиинэ соччонон кытаанах буолуохтаах. Итинник соругу бырабыыталыстыбаҕа туруорабын”, — диэтэ Айсен Николаев.
Кини билигин да дьон сэдэх исписэлиистэргэ көрдөрөллөрүн олус өр күүтэллэрин туһунан үҥсэллэрин, Доруобуйа харыстабылын министиэристибэтэ бу кыһалҕалары туоратарга салгыы үлэлиэхтээҕин, саҥа хайысханы тобулуохтааҕын санатта.
“Быйыл үгүс дьоҥҥо чэпчэтиилээх эминэн хааччыллыыга тахсыбыт харгыстар улахан кыһалҕанан буоллулар. Бу сыалга-сорукка 2026 сылга судаарыстыба бүддьүөтүгэр 3,8 миллиард солкуобай, былырыыҥҥытааҕар 1,2 миллиардынан элбэх, көрүлүннэ. Бырабыыталыстыба кээмэйи аччаппакка туран, үбүлээһини туруктаахтык уонна кэмигэр хааччыйыахтаах. Ону сэргэ санитарнай авиацияны үбүлүүргэ 2,6 миллиард солкуобай (бу сылы кытта тэҥнээтэххэ, икки төгүл кэриэтэ элбэх,) көрүлүннэ. Уустук кэмҥэ уонна биһиги тыйыс усулуобуйабытыгар бу боппуруостар дьоһун суолталаахтар”, — диэн Ил Дархан эбэн эттэ.
Санатан эттэххэ, 2025 сылга Дьокуускайга SMART-поликлиника аһылынна, Аммаҕа поликлиника, Бүлүүгэ, Намҥа аныгы эмтиир куорпустар, Сангаарга уонна Аллараа Бэстээххэ балыыһалар тутуулара түмүктэнэр. Нерюнгритааҕы Киин балыыһа сүрүн куорпустара олохтоохтук өрөмүөннэннилэр. Улуустарга саҥа биэлсэр-акушер пууннара уонна быраас амбулаториялара тутуллаллар.
Сүрэх-тымыр уонна Онкология саҥа кииннэрэ үлэҕэ киллэриллэннэр, үрдүк технологиялар күүскэ туһаныллаллар.
2026 сылга өрөспүүбүлүкэтээҕи биэдэмэстибэлэр икки ардыларынааҕы бырагыраама үлэтин саҕалыаҕа. Бырагыраама сыалынан-соругунан хас биирдии оскуолаҕа доруобуйаны харыстыыр эйгэни (скринингтэн уонна электроннай пааспартан саҕалаан, доруобай аһылыкка, ыраах сытар улуустар оҕолоругар теле-мэдиссиинэ көмөтүгэр тиийэ) тэрийии буолар.
Быйыл өрөспүүбүлүкэ балыыһаларыгар үрдүк уонна орто үөрэҕи бүтэрбиттэртэн хаһааҥҥытааҕар да элбэх, 925 эдэр исписэлиис үлэлии кэллэ (2024 сылтан икки төгүл элбэх).
СӨ Ил Дарханын уонна бырабыыталыстыбатын пресс-сулууспата
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэтигэр сылы түмүктүүр тэрээһин буолан ааста –…
Кэлиҥҥи сылларга киин куоракка уонна улуустарга уопсастыбаннай сирдэр тупсаҕай оҥоһуулаах буолбуттарын Ил Дархан бүгүҥҥү Ил…
Арассыыйаҕа “Оҕо сүрүн ырыалара” айар бырайыак күүскэ сайдар. Бэрэсидьиэн култуура көҕүлээһиннэригэр пуондатын өйөбүлүнэн Кыайыы мусуойа…
“Сахафильм” киинэ хампаанньа салайааччыта Алексей Егоров култуура, патриотизм туһунан санаатын үллэстэр: -Ил Дархан бүгүн Ил…