Доруобуйатын туругун билиэн баҕалаах элбиир

Уус Алдан улуустааҕы киин балыыһатыгар “Онкопоиск” скрининг дьаарбаҥката ыытылынна.

Дьаарбаҥка чэрчитинэн улуус олохтоохторо доруобуйаларын көрдөрөр уонна онкомаркер анаалыһын туттарар кыахтаннылар.

«Хас биирдии улахан киһи сыл аҥаарыгар биирдэ онкомаркер анаалыһын туттарыахтаах, онтон дьахталлар булгуччу онкоцитологияны барыахтаахтар. Биһиги “Онкопоиск” дьаарбаҥканы сыл аайы тэрийэбит. Бэйэтин доруобуйатын туругун билиэн баҕалаах киһи ахсаана сыл аайы элбээн иһэр.  Быйыл онкомаркер 6 көрүҥэр 440 анаалыһы ыллыбыт. Онтон 254 анаалыс чинчийиллэ сылдьар, 186 анаалыс түмүгэ билиннэ, 18 киһиэхэ онкология ыарыыта баарын уорбалаатыбыт. Кинилэри барыларын өрөспүүбүлүкэтээҕи Онкология киинигэр сиһилии чинчийиигэ ыытабыт”, —   диэн Уус Алдантан улуустааҕы киин балыыһа кылаабынай бырааһа Анна Петрова иһитиннэрдэ.