«Дьоруой аҕа» ааты олохтуурга этии киллэрдилэр

Госдуумаҕа Дьиэ кэргэни харыстыыр, аҕа, ийэ буолуу уонна оҕо саас боппуруостарыгар кэмитиэтин салайааччыта Нина Останина Арассыыйаҕа элбэх оҕолоох эр дьоҥҥо «Дьоруой аҕа» диэн ааты олохтуурга этии киллэрдэ.

«„Дьоруой ицэ“ аат курдук, „Дьоруой аҥа“ диэн аат эмиэ уопсастыбаҕа өйөбүлү ылыа диэн эрэнэбин. Бу баҕа санаам туолуон олус баҕарабын. Тоҕо диэтэххэ, биһиги бары, ордук бүгүҥҥү күҥҥэ, аҕа оруолун, биһиги уопсастыбабытыгар эр киһи суолтатын сыаналыахтаахпыт», — диэн Останина «Россия сегодня» медиа-бөлөх норуоттар икки ардыларынааҕы мультимедиа пресс-киинигэр ыытыллыбыт пресс-кэмпириэнсийэҕэ эттэ.

Дьокутаата санаатынан, быһаарыы ылыллыыта дойдуга демографическай балаһыанньаны тупсарыа. Бу иннинэ РФ Бэрэсидьиэнэ Владимир Путин дойду былаастара элбэх оҕолоох дьиэ кэргэҥҥэ аҕаларга аналлаах чэпчэтиилэри киллэрии боппуруоһун дьүүллэһэллэрин туһунан эппитэ.