Ил Дархан, бырабыыталыстыба дьаһалтатын пресс-сулууспата.
Вице-премьер Дмитрий Садовников Арассыыйа Дьоруойа Дмитрий Егоров аҕата Николай Егоровы уонна убайын Алексей Егоровы кытта көрүстэ. Көрсүһүү кэмигэр Дмитрий Николаевич тулаайах хаалбыт кыра оҕолоругар анаан, Дьокуускай куоракка кыбартыыра биэрэр туһунан кэпсэттилэр. Дьоруой дьиэ кэргэнигэр эрэгийиэн бүддьүөтүттэн төлөбүр оҥоһуллуоҕа.
— Байыаннай дьайыы кэмигэр хорсуннук сэриилэспит, олоҕун толук биэрбит биир дойдулаахпыт, хорсун байыас икки оҕото тулаайах хааллылар. Онон биһиги ытык иэспит — байыас дьиэ кэргэнигэр бары өттүнэн өйөбүлү оҥоруу. Оҕолоругар анаан, Дьокуускайга кыбартыыра атыылаһыахтарын баҕараллар. Бу сыалга Ил Дархан Айсен Николаев сорудаҕынан, биирдэ бэриллэр харчынан төлөбүр оҥоһуллуоҕа, — диэн Дмитрий Садовников эттэ.
Ону тэҥэ, Дьоруой төрөөбүт, улааппыт сиригэр — Сунтаар улууһун Уһун Күөл бөһүөлэгэр култуура киинин тутуу боппуруоһун көтөхтүлэр.
Дмитрий Егоров бэйэтэ тылланан байыаннай дьайыы буола турар сиригэр барбыта. Балаҕан ыйыгар Новомайорское сэлиэнньэ аттыгар соҕотоҕун хас да өстөөҕү суоһаран, хорсун быһыыны оҥорбута. Бэйэтэ бааһырбыт биир дойдулааҕын быыһаары, кыргыһыы толоонугар иккиһин барбыта уонна ыараханнык бааһыран, сырдык тыына быстыбыта. Бэрэсидьиэн Владимир Путин 2023 сыл алтынньы 9 күнүгэр Дмитрий Егоровка Арассыыйа Дьоруойа үрдүк аатын иҥэрбитэ.
Ил Дархан, бырабыыталыстыба дьаһалтатын пресс-сулууспата.
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…
2025 сылга Саха сиригэр биэс муоста тутуллан бүтэрэ былааннанар. Бу туһунан тырааныспар уонна суол хаһаайыстыбатын…
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…