Дьоруой Дмитрий Егоров мэтириэтин түмэлгэ туттардылар

Аҕа дойду буойуттарын дьиэ кэргэттэрин кэмитиэтэ «Арассыыйа — мин устуоруйам» түмэлгэ Дьоруой Дмитрий Егоров чоҕунан уруһуйдаммыт мэтириэтин бэлэхтээтэ. 

Арассыыйа Дьоруойа Дмитрий Егоров мэтириэтин туттара Аҕа дойду буойуттарын дьиэ кэргэттэрин кэмитиэтин эрэгийиэннээҕи ыстаабын салайааччыта Марина Бахилина, уопсастыбаннай палата чилиэнэ Наталья Кашперская, Дмитрий Егоров ойоҕо Надежда Егорова, Сунтаар түмэлин үлэһитэ Николай Омуков, Сунтаар улууһун бэрэстэбиитэлэ Семен Глухарев кэлбиттэр.

«Арассыыйа — мин устуоруйам» түмэл дириэктэрэ Дмитрий Соловьев Дьоруой дьиэ кэргэнигэр, Аҕа дойду буойуттарын дьиэ кэргэттэрин кэмитиэтигэр бу бэлэх иһин махтанна.

Бу кэнниттэн мэтириэти С.А. Зверев аатынан Сунтаардааҕы түмэлгэ быстах харайыыга бэриллиэҕэ. Сунтаарга Дьоруой тус малларын, мэтириэтин көһө сылдьар быыстапката  ыытыллара былааннаммыт.

Дьоруой мэтириэтин худуоһунньук Виктор Чернов үйэтиппит. Худуоһунньук бэйэтэ урут Росгвардияҕа үлэлээбит киһи, бойобуой дьайыылар кыттыылаахтара.