Хаартыска: А.Васильева.
Арассыыйа, ДНӨ Дьоруойдара Дмитрий Егоров туһунан “ПоZыVной Сунтар” диэн кинигэ бэчээттэнэн таҕыста. Кинигэни “Герои Отечества: Честь и слава Камчатки” сиэрийэнэн Камчатка кыраайын бырабыыталыстыбата бэчээттэтэн таһаарбыт.
Дмитрий Егоров анал байыаннай дьайыыга Камчаткатааҕы муора пехотатын 40-с биригээдэтин десантнай-штурмовой ротатыгар, десантнай-штурмовой батальонугар тиийэн, сэриилэспитэ. Ол иһин Камчаткалар кинини бэйэлэрин дьоруойдарынан ааҕаллар.
Кинигэ киирии тылыгар Камчаткскай кыраай губернатора Владимир Солодов маннык суруйбут:
—Төһө да ыраах олордорбут, Камчатка бүтүн дойдуну кытта Арассыыйа духуобунай, сиэр-майгы сыаннастарын көмүскүүргэ, нацизмы утары охсуһууга турунна. Биһиги байыастарбыт хорсуннук туруулаһан сэриилэһэллэр. Үгүстэр Арассыыйа, Донецкай Өрөспүүбүлүкэ Дьоруойа ааты ыллылар. Биһиги дьоруойдарбыт ааттарын үйэтитэр сыалтан, хас биирдиилэрин туһунан кинигэ оҥорон таһаарыахпыт.
Кинигэ ааптара – Александр Смышляев. Кини дьоруойдар тустарынан 18 уочаркалаах 7 кинигэни номнуо таһаарбыт. Ааптар морпех Сунтаар аҕатын Николай Алексеевиһы, убайын Алексей Егоровы уонна бииргэ сэриилэспит уолаттарын кытта кэпсэтэн, кинилэр ахтыыларынан уһун уочарканы суруйбут. Кинигэ халыҥ тастаах, кытаанах, килэбэчигэс илиистэрдээх, өҥнөөх хаартыскалардаах.
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…