Ангелина Васильева хаартыскаҕа түһэриитэ
Өрөспүүбүлүкэ саалатыгар Арассыыйа Дьоруойа Дмитрий Куценконы чиэстээтилэр.
— Бары байыастарга махтанабын. Саха сирин байыастара хайдах курдук хорсуннарын бары билэллэр. Оттон тыылга биһиги экэниэмикэни бөҕөргөтөн, туох кыалларынан көмөлөһөн, Кыайыыны чугаһатабыт, — диэн Ил Дархан Айсен Николаев эттэ.
Кини 1,5 мөлүйүөн солкуобайдаах сэртипикээти Дмитрий Куценкоҕа туттарда. Маны тэҥэ, кини аата иҥэриллибит алмаас пааспарын туттарда.
— Төрөөбүт дойдубар кэлэн, сылаас сыһыаны көрсүбүппэр олус махтанабын. Бэҕэһээ Өлүөхүмэттэн кэллим. Билэр, билбэт дьонум олус истиҥник көрүстүлэр. Бэйэм Новосибирскайга төрөөбүтүм. Ол эрээри Өлүөхүмэҕэ олорбутум, онон Саха сирин төрөөбүт дойдубунан ааҕабын. Эһэлэрбэр, хос эһэлэрбэр эйэлээх олоҕу аҕаларга кылааттарын иһин сүгүрүйэбин. Бэтэрээннэрбит хорсун быһыыларын өйдүүрбүт тухары, эйэлээх олох туругуруо. Биһиги эһиги өйөбүлгүтүн билэбит, бары бииргэ Кыайыыны чугаһатыахпыт, — диэн Дьоруой эттэ.
Кини ийэтэ Татьяна Куценко хайдах курдук долгуйарын, уолунан киэн туттарын кэпсээтэ. Үс уолун хайдах ииппитин кэпсээтэ. Дима игирэ аҥаара эбит. Кини хос эһэтэ сэриигэ сураҕа суох сүппүт. Эһэтэ этэҥҥэ эргиллэн кэлбит. Кыра эрдэҕиттэн эһэлэрин хорсун быһыыларыгар сүгүрүйэн улааппыт.
Ангелина Васильева.
Ааптар хаартыскаларга түһэриитэ.
Хас биирдии киһи олоҕор экология сүҥкэн оруоллаах. Биһиги доруобуйабыт салгын, уу ырааһыттан, ойуур туругуттан улахан…
Сулустар тугу кэпсииллэрий? Бүгүҥҥү күн эрчимэ күүстээх, саҕалааһыннарга тоҕоостоох. Уоттаах Марс уонна кэҥэтэр дьайыылаах Юпитер…
Бэҕэһээ, атырдьах ыйын 15 күнүгэр, 20.40 чааска Саха сирин быыһааччылара бөртөлүөтүнэн анаан көрдөөн, Кэбээйи улууһун…
Бүгүн, атырдьах ыйын 16 күнүгэр, Саха сирин сорох улуустарыгар ардыаҕа, +26 кыраадыс буолуоҕа диэн УГМС…
Ленскэй оройуонун борокуратуурата Роспотребнадзор олохтоох салаатын кытта бииргэ, интэриниэккэ кэһиилэр баар буолуохтарын сөбүн туһунан суруйуу…
Саха сирэ “Оҕолору уонна ыччаты үөрэтэргэ, сынньатарга уонна чэбдигирдэргэ усулуобуйалары тэрийии” бырайыак чэрчитинэн Арассыыйа Үөрэхтээһиҥҥэ…