Хаартыска: СИА.
Билии күнүгэр Арассыыйа Дьоруойа Филипп Евсеев истибэт оҕолорго аналлаах Өрөспүүбүлүкэтээҕи коррекционнай оскуола-интэринээт үөрэнээччилэрин эҕэрдэлээтэ диэн СИА суруйар. Бу оскуолаҕа кини кыра кыыһа үөрэнэр.
— Билии күнэ — олус үчүгэй бырааһынньык. Биһиги оҕолорбут күннэтэ сайдан, элбэҕи билэн-көрөн истиннэр, төрөппүттэрин, учууталларын ситиһиилэринэн үөрдэ турдуннар! — диэн кини истиҥник эҕэрдэлээтэ.
Быйылгыттан оскуола-интэриээт үөрэнээччилэрэ саҥа үөрэтэр бырагырааманан үөрэниэхтэрэ.
— Бүгүн биһиэхэ ураты Билии күнэ. Быйылгыттан биһиги саҥа иитэр, үөрэтэр бырагырааманан үлэлиэхпит. Оттон бүгүҥҥү үөрэх дьылын бастакы күнүн Арассыыйа Дьоруойун эҕэрдэтиттэн саҕалаатыбыт. Кини биһиги төрөппүппүт, үөрэнээччибит аҕата буолара ордук үөрүүлээх, — диэн оскуола дириэктэрэ Оксана Винокурова эттэ.
Эҕэрдэлэргэ үлэ, социальнай сайдыы миниистирэ Елена Волкова кыттыста.
— Мин бэйэм 4 оҕо ийэтэ буолабын, онон үөрэх дьылыгар бэлэмнэнии түбүгүн-садьыгын, долгуйууну үчүгэйдик билэбин. Биһиги бары оҕолорбут инники олохторун туһугар долгуйабыт. Төрөппүттэргэ уонна педагогтарга улахан эппиэтинэс сүктэриллэр. Үөрэх дьылыгар оҕолор, учууталлар, төрөппүттэр бары элбэхтик үлэлиэхтэрин, сыраларын биэриэхтэрин наада. Бу барыта инники кэскилбит туһугар буолар, — диэн кини эттэ.
Үлэ, социальнай сайдыы министиэристибэтин пресс-сулууспата.
Бу киэһэ Ньурбаҕа ардах курулаччы түһэ турарын туһунан видео социальнай ситимнэринэн тарҕана турар. "Ньурбаҕа ардах…
Булуҥ оройуонун суута 37 саастаах Эдьигээн оройуонун олохтооҕор бириигибэрин таһаарда. Эр киһи соруйан доруобуйаҕа ыарахан…
Улан-Удэ куоракка ыытыллыбыт норуоттар икки ардыларынааҕы уонна Бүтүн Арассыыйатааҕы гиирэ успуордун турнирыгар Нам улууһун "Олимпик"…
Дьаҥ-дьаһах сатыылыыр. Хайа эрэ оскуолаҕа харантыын тохтоон, оҕолор үөрэнэ тахсалар. Оттон Хаҥалас улууһун П.С.Скрябин аатынан …
Бу күннэргэ Хаҥалас улууһун 2-с Малдьаҕар бочуоттаах олохтооҕо, байыаннай дьайыы кыттыылааҕа, «Саха Боотур» диэн уол…
Ааспыт нэдиэлэҕэ Саха сиригэр Татарстан Өрөспүүбүлүкэтиттэн дэлэгээссийэ оробучай сырыытынан кэлэн барда. Сырыы сүрүн сыала Саха…