Дьоруой Игорь Юргин үлэ министиэристибэтигэр стажировкаланар

Балаҕан ыйын 10 күнүттэн Арассыыйа Дьоруойа Игорь Юргин үлэ, социальнай сайдыы министиэристибэтигэр стажировкатын саҕалаата.

Бастаан кини министиэристибэ салалтатын кытта көрүстэ. Миниистир Елена Волкова үлэ салааларын, хайысхаларын туһунан кэпсээтэ, билиһиннэрдэ.

Игорь Юргин — Арассыыйа Дьоруойа, анал байыаннай дьайыы кыттыылааҕа. Кини байыаннай дьайыы кыттыылаахтарын сайыннарарга аналлаах  «Время героев» диэн бырагырааманан стажировканы ааһар.

Бу бырагыраама сыала-соруга — анал байыаннай дьайыы кыттыылаахтарыттан үрдүк квалификациялаах, дьоһуннаах салайааччылары талан ылан, салгыы судаарыстыбаннай, муниципальнай былаас уорганнарыгар уонна судаарыстыбаннай хампаанньаларга үлэлэтэргэ туһаайыллар.

Игорь Юргин бу нэдиэлэ устата министиэристибэ үлэтин-хамнаһын билсиэҕэ, биэдэмистибэ салайар социальнай тэрилтэлэргэ уонна «Аҕа дойдуну көмүскээччилэр» судаарыстыбаннай пуондаҕа  сылдьыаҕа.