Хаартыска: yakutia.info
Ыам ыйын 5 күнүгэр Ил Дархан Айсен Николаев “Үйэ саас” бочуоттаах бэлиэнэн Мэҥэ Хаҥалас улууһун Бочуоттаах олохтооҕо, Дьоруой Ийэ, сэрии бэтэрээнэ Киренская Матрена Егоровнаны наҕараадалыыр туһунан ыйаахха илии баттаата.
Матрена Егоровна 100 сааһын томточчу туолан, ытык сааһын оҕолорун, сиэннэрин, хос сиэннэрин ортолоругар көрсөр. Үтүө майгытынан, дьоҥҥо сыһыанынан, тулуурунан, үлэтинэн-хамнаһынан, уустук үйэҕэ үтүө суобастаахтык олорбут олоҕунан ыччат дьоҥҥо холобур буолар.
Аҕа дойдунун көмүскүүр Улуу сэрии сылларыгар Төҥүлү таһыгар кистэлэҥ аэродром үлэлии сылдьыбыта. Бу аэродром “АлСиб” салгын суолун саппаас аэродрома этэ, манна өссө өрөмүөннүүр база уонна араадьыйа киинэ бааллара. Манна Матрена Егоровна эдэркээн кыыс сылдьан үлэлээбитэ.
Кини ханнык да күн-дьыл турдун, томороон тымныыга, өҥүрүк куйааска, хаар-ардах аннынан көтөр балаһалары ыраастыыра, сөмөлүөттэри тыраахтарынан состороро, онтон да атын үлэ элбэх буолара. Бу курдук ханнык баҕарар үлэҕэ эппиэтинэстээхтик, бэриниилээхтик сыһыаннаһара, бары ыарахаттары тулуйан, быыһыгар уон оҕону төрөтөн, иитэн, киһи гынаттаабыт ытык ийэ буолар.
Хаартыскаҕа: Матрена Егоровна Киренская хаҥас турар.
Сэтинньи 25-26 күннэригэр саха тылын, литэрэтиирэтин, култууратын учууталларын өрөспүүбүлүкэтээҕи III сийиэһэ ыытыллаары турар. Сийиэскэ сүүрбэччэ…
Саха сирин уустара Москваҕа ыытыллыбыт «Клинок – үгэс уонна аныгы кэм» норуоттар икки ардыларынааҕы быыстапка…
Дьокуускайга ыытыллар Дмитрий Коркин аатынан норуоттар икки ардыларынааҕы күрэхтэһиигэ Беларусь сүүмэрдэммит хамаандатын састаабыгар эр дьоҥҥо…
Алдан улууһун борокуратуурата сокуону кэһэн азартнай оонньуулары тэрийиигэ уонна ыытыыга буруйданар улуус икки олохтооҕун утары…
Дьокуускай куорат дьаһалтатыгар "Кыһын Саха сириттэн саҕаланар" өрөспүүбүлүкэтээҕи бэстибээл тэрийэр хамыыһыйатын мунньаҕа буолла. Мунньаҕы куорат…
Муома улууһун Кустуур сэлиэнньэтигэр сэтинньи 6 күнүгэр И.Н. Слепцов аатынан агро-оскуола «Уйа» бырайыагын чэрчитинэн тутуллубут…