Дьоруой ийэлэр Үлэ дьоруойа ааты сүгүөхтэрэ

Дойдубут аҕа баһылыга Владимир Путин ахсынньы 20 күнүгэр дьиэ кэргэни өйөөһүҥҥэ туһаайыллыбыт судаарыстыбаннай сэбиэт мунньаҕар элбэх оҕолоох “Дьоруой ийэ” үрдүк аатын ылбыт ийэлэр Үлэ дьоруойа статуһу эмиэ ылыахтаахтарын эттэ.

Владимир Путин мунньах кэмигэр элбэх оҕолоох дьоруой ийэлэри Үлэ дьоруойдара статуска тэҥнииргэ эттэ.

— Үс эбэтэр онтон элбэх оҕону иитии олус уустук. Дьоруой ийэлэр Үлэ дьоруойдара статуһу ылар хайа баҕарар кыахтаахтар. Билигин Дьоруой ийэ уонна Үлэ дьоруойа тус-туһунан чэпчэтиилэринэн туһаналлар. Ол суох буолуохтаах. “Дьоруой ийэ” үрдүк ааты сүкпүт ийэлэр Үлэ дьоруойун бары чэпчэтиилэринэн, төлөбүрдэринэн туһанар толору бырааптаахтар, — диэн иһитиннэрдэ.

Санатан эттэххэ, Владимир Путин 2022 сыллаахха уонтан элбэх оҕолоох ийэлэргэ “Дьоруой ийэ” ааты сөргүтэргэ анал ыйаах таһаарбыта. Бу ааты ылбыт ийэлэр биир кэмнээх көмө быһыытынан биир мөлүйүөн солкуобай ылаллар этэ. Билигин “Үлэ дьоруойа” ааты ылбыт киһи ый аайы анал төлөбүрү ылар. Быйыл бу суума 66 тыһыынча солкуобайга тэҥнэспитэ. Ону таһынан Үлэ дьоруойдара доруобуйа харыстабылыгар, социальнайга, о.д.а. эйгэлэргэ чэпчэтиилэринэн туһаналлар.