Хаартыска: СИА
Дьоруой Ийэлэргэ биир кэмнээх харчынан төлөбүрдэргэ, ону тэҥэ «Төрөппүт килбиэнэ» уордьанынан, мэтээлинэн наҕараадаламмыт төрөппүттэргэ дойду Бырабыыталыстыбата 60 мөл. солк. тахса суумалаах үбү-харчыны анаата. Бу туһунан дойду Бырабыыталыстыбатын пресс-сулууспата суруйар.
Резервнэй пуондаттан эбии үбүлээһин туһунан быһаарыы төлөбүрдэри ылааччылар ахсаана элбээбитинэн ылылынна. Эбии көрүллүбүт үп-харчы уопсай сууматыттан Дьоруой-Ийэлэргэ — 30 мөл. солк., «Төрөппүт килбиэнэ» уордьанынан наҕараадаламмыт төрөпүттэргэ — 20 мөл. солк. уонна бу уордьан мэтээлинэн наҕараадаламмыттарга — 13,2 мөл. солк. ыытыллыаҕа. Бу иннинэ маннык быһаарыыны дойду Бырабыыталыстыбата 2024 сыл кулун тутар ыйыгар ылыммыта. Оччотугар ийэлэргэ уонна төрөппүттэргэ эбии үбүлээһин кээмэйэ 30-тан тахса мөл. солк. кэриҥэ буолла.
Дойду Бырабыыталыстыбатын бэрэссэдээтэлэ Михаил Мишустин Дьоруой Ийэлэр — 1-дии мөл. солк., «Төрөппүт килбиэнэ» уордьанынан наҕараадаламмыт ийэлэр уонна аҕалар – 500-түү тыһ. солк., оттон бу уордьан мэтээлинэн наҕараадаламмыт төрөппүттэр – 200-түү тыһ. солк. ылалларын санатта.
Санаттахха, РФ Бэрэсидьиэнин Ыйааҕынан 10-тан тахса оҕону төрөтөн-иитэн таһаарбыт дьахталларга «Дьоруой ийэ» аат 2022 сылтан иҥэриллэр. Бу аат «Арассыыйа Дьоруойа» уонна «Арассыыйа Үлэҕэ Дьоруойа» үрдүк ааттарга тэҥнээх. «Төрөппүт килбиэнэ» уордьан сэттэ эбэтэр онтон элбэх оҕону иитэр-үөрэтэр төрөппүттэргэ туттарыллар, оттон бу уордьан мэтээлинэн түөрт уонна элбэх оҕону иитэр-үөрэтэр төрөппүттэр наҕараадаланаллар.
Оттон Саха сиригэр «Дьоруой Ийэ» бэлиэни 2017 сылтан биэрэр буолбуттара. Бу кэмтэн ыла 31 дьахтар «Дьоруой Ийэ» бэлиэнэн наҕараадаламмыта. «Дьоруой Ийэ» бэлиэнэн 10-тан элбэх оҕону төрөппүт, ииппит уонна Саха сиригэр 15 сылтан аҕыйаҕа суох сыл олорбут ийэлэр наҕараадаланаллар. Кыра оҕото 1 сааһын туолбут, бары оҕолоро 2000 сыл кэнниттэн төрөөбүт буолуохтаахтар. Наҕараадаҕа эбии 1 мөлүйүөн солкуобайдаах бириэмийэ бэриллэр.
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…