Хаартыска: Л.Никитина тиксэриитэ
Алтынньы 14 күнүгэр Сунтаар улууһун Арыылаах агро хайысхалаах оскуолатыгар Арассыыйа Дьоруойа Дмитрий Егоров сырдык аатын, кини хорсун быһыытын үйэтитэр, ыччакка патриотическай иитиини күүһүрдэр сыалтан, “Дьоруой паартата” оҥоһуллан турда. Бу тэрээһин “Наша новая школа” бырайыак чэрчитинэн барда.
Бу күн Дьоруой аҕата Николай Алексеевич Егоров, бииргэ төрөөбүттэрэ, аймахтара кэлэн кытыннылар, Дмитрий Николаевич туһунан ахтан-санаан аастылар, кини олоҕун, оҕо сааһын, хорсун быһыытын туһунан үөрэнээччилэргэ кэпсээтилэр.
Дмитрий дьоно оскуола мусуойугар Дьоруой бескозыркатын, тельняшкатын, Тихоокеанскай муора флотун былааҕын, остуолга уурар былаахтары бэлэх ууннулар.
Арыылаах орто оскуолатын дириэктэрэ Лидия Никитина бу курдук кэпсээтэ:
— Бу паартаҕа биһиги биир дойдулаахпыт, Арассыыйа Дьоруойа Дмитрий Егоров туһунан элбэх информация баар, куйаар-куодунан киирэн, кини туһунан суруйуулары, чугас дьонун ахтыытын о.д.а. ааҕыахха, көрүөххэ сөп. Дьоруой аатын үйэтитиигэ оскуолаҕа, мусуойга үлэлэр салгыы ыытыллыахтара.
Сыл аайы оскуола биир выпускнигар бэриллэр Арассыыйа Дьоруойа Дмитрий Егоров аатынан харчынан бириэмийэ олохтонно. Харчыны ханнык баҕарар оҕо ылыан сөп. Туйгун үөрэх да, олимпиадаҕа кыттыы да ирдэммэт. Сүрүн ирдэбилэ — табаарыстарыгар көмөлөһүү, дойдуга бэриниилээх буолуу.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…