Андрей Сорокин хаартыскаҕа түһэриитэ, СИА
Бүгүн, ыам ыйын 8 күнүгэр, Улуу Кыайыы 80 үбүлүөйдээх сылынан Ил Дархан Айсен Николаев Дьокуускайга Сэбиэскэй Сойуус Дьоруойа Федор Кузьмич Попов пааматынньыгын уонна кини аатынан искибиэр арыллыытын долгутуулаах, үөрүүлээх тэрээһинигэр кыттыыны ылла.
Үөрүүлээх тэрээһиҥҥэ мустубут бар дьоҥҥо туһаайан Ил Дархан Айсен Николаев бу Мэҥэ Хаҥалас улууһун дьоно-сэргэтэ, Дьокуускай олохтоохторо, бүттүүн өрөспүүбүлүкэ кэтэспит күнэ уонна тэрээһинэ буоларын бэлиэтээтэ.
1943 сыллаахха Федор Попов өстөөх буулдьатын аннынан бастакынан Днепр өрүһү туораан, өстөөх траншеяларыгар ыстанан тиийэр, илиинэн охсуһуу кэмигэр пулеметтарын былдьыыр, өстөөхтөр хос атаакаларын төттөрү охсор. Кини дьоруойдуу хорсуннук охсуһуутунан сүрүн күүс өрүһү туоруура хааччыллыбыта.
—Федор Кузьмич Попов олус кылгас, ол эрээри чаҕылхай олоҕу олорбута. Кини хорсун быһыыта барыбытыгар чаҕылхай холобурунан буолар. Федор Кузьмич Попов сырдык аата үйэлэргэ өлбөөдүйбэт, — диир Айсен Николаев.
Айсен Николаев Саха сиригэр Дьоруой аатын үйэтитиигэ элбэх үлэ ыытылларын эттэ. Маны сэргэ, Федор Кузьмич Попов, Аҕа дойду уоттаах сэриитин уонна бүгүҥҥү күн дьоруойдарын туһунан өйдөбүл кэнчээри ыччат өйүгэр-санаатыгар иҥэриллэригэр үлэ ыытылларын бэлиэтээтэ.
Бүгүҥҥү долгутуулаах тэрээһиҥҥэ Дьокуускай куорат баһылыга Евгений Григорьев, Мэҥэ Хаҥалас улууһуна баһылыга Дмитрий Тихонов, Дьоруой Попов аймаҕа Евдокия Борисова, дьокутааттар, уопсастыбаннас уонна ыччат түмсүүтүн бэрэстэбиитэллэрэ, юнармия кыттыыны ыллылар.
Манна даҕатан эттэххэ, бэҕэһээ Дьокуускайга «Якутск — город трудовой доблести» аарка уонна артиллерист Гаврил Протодьяконов пааматынньыга үөрүүлээх быһыыга-майгыга арыллыбыттара.
Сиһилии: https://www.sakha.gov.ru/news/4198 манна киирэн көрүөххэ сөп.
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Андрей Сорокин түһэриитэ, СИА
Уус Алдан улууһун Дүпсүн нэһилиэгин олохтоохторо, чуолаан "Сардаҥа" оҕо уһуйаанын иитиллээччилэрэ уонна үлэһиттэрэ Дьокуускайга уонна…
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…