Дьоруойбут көһө сылдьар быыстапката Бордоҥҥо кэллэ…

Сунтаар улууһа дьоруойдарынан киэн туттар. Дьокуускайга «Арассыыйа – мин устуоруйам» түмэл хамсааһынынан, Дьоруой Дмитрий Егоров сэрии толоонуттан булуллубут тэриллэрэ дойдутугар кэлэн кɵһɵ сылдьар быыстапката тэриллиннэ.

«Аан бастаан дойдутугар Арыылаахха турбута, ол кэннэ нэһилиэктэри кэрийэн Бордоҥҥо кэллэ. Дириҥ суолталаах, ытык ɵйдɵбүллээх быыстапканы баһылык Константин Уаров Сунтаартан бэйэтинэн аҕалан, оскуола линейката ыытылынна, дьоруой олоҕун, хорсун быһыытынан туһунан Арыылаахтар бэлэмнээбит сырдатыыларын көрүү, кини туһунан ахтыы, оҕолор санааларын истии.

Кɵһɵ сылдьар быыстапка кɵмɵтүнэн ыччат Дойду Дьоруойун билэр, дойдунаат буола иитиллэригэр тɵһүү буолар.  Дойдубут дьоруойун хорсун быһыыта иһиллэринэн эрэ буолбакка илэ-чахчы уоттаах толооҥҥо харыстаммыт куйаҕа бэйэтинэн кэлэн кɵрдɵрүнньүк буолбута киһини улаханнык долгутар».

Тускулаана Горохова-Кобельянова