Бүгүн байыаннай сулууспалаахтар, анал байыаннай эпэрээссийэ кэмигэр дьоруойдуу охтубут Петр Корнилов, Иннокентий Михайлов уонна Николай Сибиряков чугас дьонноругар Эр санааланыы уордьанын туттардылар уонна саҥата суох туран сүгүрүйдүлэр.
«Дойдубутугар саамай ыарахан кэмнэргэ Саха сирин дьоно дойду көмүскэлигэр туруммута. Бүгүн биһиги анал байыаннай эпэрээссийэ, Арассыыйа инникитин, куттал суох буолуутун уонна көҥүл иһин охсуһуу кыттыылаахтарыгар норуот махталын этэбит. Биһиги биир дойдулаахтарбыт Петр Васильевич Корнилов, Иннокентий Иванович Михайлов, Николай Петрович Сибиряков дьоруойдуу быһыыларыгар төбөбүтүн хоҥкутабыт. Кинилэр хорсун быһыылара хаһан да умнуллубат”, — диэтэ Саха сирин Ил Дархана Айсен Николаев.
Николай Сибиряков төрөппүттэрэ Дарья Николаевна уонна Петр Петрович Арктика улууһуттан кэллилэр. Кинилэр үс уолларыттан улаханнара Николай аармыйаҕа сулууспалаан баран, анал эпэрээссийэҕэ баҕа өттүнэн барбыта уонна дьиҥнээх эр киһи, саллаат быһыытынан Ийэ дойдутун көмүскүү сылдьан өлбүтэ.
«Биһиги бэйэбит дойдубутугар уопсастыба барыта буойуннар дьиэ кэргэттэрин өйүөхтээхпит, кыһаныахтаахпыт. Бырабыыталыстыба өттүттэн буойуннар чугас дьонноро, оҕолоро бу судургута суох кэми эрдээхтик туоруулларыгар көмөлөһөр быһаарыылары ылынныбыт”, — диэтэ Ил Дархан.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…