“Дьоруойдар кэмнэрэ” бырагыраама дьоһун суолталааҕын дакаастаата

Арассыыйа Бэрэсидьиэнэ бу бырагырааманы судаарыстыба тулааһына буоллуннар диэн  кыргыһыы хонуутугар эр санааларын көрдөрбүт дьоҥҥо анаан тэрийтэрбитэ.

“Биһиги биир дойдулаахтарбытын, подполковниктары, “Дьоруойдар кэмнэрэ” Бэрэсидьиэн бырагырааматын иккис “потогун” кыттааччылара Дмитрий Куценконы уонна Николай Соболевы кытта көрүстүм”, — диэн Ил Дархан бэйэтин телеграм-ханаалыгар суруйар.

Дьоруойдар билигин СӨ судаарыстыбаннай былааһын уорганнарыгар стажировканы бара сылдьаллар. Туораттан кэтээн көрбөттөр, үлэһит курдук толору үлэлии сылдьаллар. Николай бырагыраамаҕа кыттарын сыаналаах уопутунан ааҕар, оттон Дмитрий дьону кытта үлэлии үөрэнэр, судаарыстыбаннай салайыы систиэмэтэ хайдах тутулларын, быһаарыныылар хайдах ылылларын өйдүүр суолталааҕын бэлиэтиир.

“Бэрэсидьиэн дьоруойдарга анаан маннык кыаҕы биэрэн, улахан наадалаах дьыаланы оҥорор. Саха сиригэр биһиги бу үлэни “Саха сирэ – дьоруойдар дойдулара” каадыр бырагырааматын нөҥүө ыытабыт. Билигин 25 кыттааччы бэлэмнэниини ааһа сылдьаллар, икки киһи хайыы-үйэ миниистир солбуйааччыта буоллулар. Биһиги байыастарбыт ыарахан холоон көрүүнү ааһан,  судаарыстыбаннай салайааччы идэтин эрэллээхтик баһылыыллар.