«Дьоруойдар кэмнэрэ» бырагыраама саҕаламмыта биир сылын туолла

Арассыыйа Бэрэсидьиэнэ Владимир Путин сорудаҕынан кулун тутар 1 күнүттэн олоххо киллэриллибит «Дьоруойдар кэмнэрэ» бырагыраама үлэлээбитэ биир сыла буолла.

Владимир Путин «Дьоруойдар кэмнэрэ» каадыр анал  бырагырааматын саҕалааһын туһунан 2024 сыл олунньу 29 күнүгэр дойду Федеральнай мунньахха туһаайан этиитигэр биллэрбитэ.
Судаарыстыба баһылыга билигин дьиҥнээх элитанан Арассыыйаҕа бэриниилээхтэрин дьыаланан дакаастаабыт, эрэллээх, бэрэбиэркэни ааспыт Арассыыйаҕа сулууспалааччылар, үлэһит дьон уонна буойуннар буолалларын бэлиэтээбитэ.

«Дьоруойдар кэмнэрэ» бастакы түһүмэҕин биир кыттааччыта, Арассыыйа Дьоруойа Игорь Юргин Саха сирин ыччакка бэлиитикэтигэр уонна социальнай коммуникацияларга миниистирин эбээһинэһин толорооччунан үлэлиир.

Ону сэргэ өрөспүүбүлүкэҕэ олунньу 21 күнүттэн «Саха сирэ -– дьоруойдар дойдулара» каадыр бырагыраамата киллэриллибитэ. Бырайыак сыала-соруга -– судаарыстыбаннай салайыы саҥа култууратын киллэрии. «Саха сирэ -– дьоруойдар дойдулара» каадыр бырагырааматыгар кыттарга байыаннай дьайыы байыастарыттан хайыы үйэ 200-тэн тахса сайаапка киирдэ. Ол туһунан Ил Дархан Айсен Николаев «Саха сирэ, иннибит диэки» биэрии кэмигэр иһитиннэрбитэ.