“Дьоруойдар кэмнэрэ” бырагыраамаҕа сайаапкалары ылыы иккис түһүмэҕэ саҕаланна

“Дьоруойдар кэмнэрэ” бырагыраамаҕа кыттар сайаапкалары почтанан ылыы саҕаланна. Бу — бырагыраама иккис түһүмэҕэ.

Сайаапкалары билигин Интэриниэт нөҥүө эрэ буолбакка, почтанан эмиэ ыытыахха сөп. Бу туһунан Арассыыйа бэрэсидьиэнэ Владимир Путин  Н.Н.Пирогов аатынан Инновационнай технологиялар уонна ортопедия киинигэр байыаннай дьайыыга кытта сылдьан бааһыран сытар, реабилитацияны ааһар байыаннай сулууспалаахтары кытта көрсүһүүтүгэр эттэ.

“Дьоруойдар кэмнэрэ” – байыаннай дьайыы бэтэрээннэрин уонна кыттыылаахтарын судаарыстыбаннай сулууспаҕа каадырдары сүүмэрдээһин бырагыраама 2024 сыл кулун тутар 1 күнүттэн  үлэлиир.

Сайаапкалары маннык аадырыска ыытыахха сөп: 344002, Ростовская обл., Ростов-на-Дону, Пушкинская ул., 70/54,  Южно-Российский институт управления — филиал РАНХиГС.

Арассыыйа Почтатынан ыытыллыбыт сайабылыанньаҕа толору ааты, төрөөбүт күнү уонна билиҥҥи дуоһунаһы, ону тэҥэ, баар буоллаҕына, гражданскай салайар үлэҕэр үлэлээбит опыккын уонна судаарыстыбаннай наҕараадаларгын ыйар наадалаах.

Сиһилии https://www.sakha.gov.ru/news/front/view/id/3476645 сигэнэн билсиҥ.