Дьоруойдар кэрэ аҥаардара

Дьокуускайга Ю.А.Гагарин аатынан култуура киинигэр «Женщины СВОих героев» диэн быыстапка аһылынна.

Быыстапкаҕа байыаннай дьайыы кыттааччыларын ийэлэрин, кэргэттэрин, оҕолорун мэтириэттэрэ турда. Ол курдук хаартыскаҕа кинилэр байыаннай дьайыыга сулууспалаабыт чугас киһилэрин байыаннай таҥаһын санныларыгар кэтэн түспүттэр. Хас биирдии хаартыска дьиэ кэргэн тирэҕин уонна өйөбүлүн туоһулуур.

Быыстапка аһыллыытыгар Дьокуускай баһылыга Евгений Григорьев, куорат дууматын бэрэссэдээтэлэ Альберт Семенов кыттыыны ыллылар.

Бу быыстапка «Дьоруойдар кэргэттэрэ» диэн бүтүн Арассыыйатааҕы бырайыак чэрчитинэн аһылынна. Ол курдук Дьокуускайга быыстапканы  полиция полковнига, байыаннай дьайыы кыттыылааҕын ийэтэ Наталья Швецова тэрийдэ.