Хаартыска sakha.gov.ru ылылынна
Уус Алдан улууһугар Тандаҕа 150 миэстэлээх успуорт саалатын тутуу саҕаланна. Бу үөрүүлээх бэлиэ түгэн бэҕэһээ, муус устар 12 күнүгэр, буолла.
Санатан эттэххэ, былырыын Тандаҕа Ил Дархан Айсен Николаев үлэтинэн сылдьан, ол түмүгүнэн СӨ Бырабыыталыстыбатыгар манна социальнай уонна инфраструктурнай эбийиэктэри тутарга соруйбута.
«Бу күнтэн Анатолий Заболоцкай аатынан успуорт саалатын тутуу үлэтэ саҕаланна. Манна оҕолор, улахан дьон бары физкултууранан уонна успуордунан дьарыктаналларыгар усулуобуйа тэриллиэ. СӨ үтүөлээх тириэньэрэ Максим Аммосов иитиллээччилэрэ кэлэн дьарыктаныахтара. Өрөспүүбүлүкэҕэ биир бастыҥ волейболисткалардааҕынан биллэр Танда хамаандата сылдьыаҕа», — диэтэ СӨ Бырабыыталыстыбатын Бэрэссэдээтэлин солбуйааччы Сергей Местников тэрээһин кыттыылаахтарыгар туһаайан.
Тутуу ыытыллар сиригэр 67 дьиэ атаҕа түһэриллибит. Тоҕус киһи үлэлии сылдьар. Уопсайа 1,3 тыһ.кв.м. иэннээх икки мэндиэмэннээх сааланы 2025 сылга тутан бүтэрэн үлэҕэ киллэрэри былаанныыллар.
Итини таһынан, сотору кэминэн манна хочуолунайы тутан саҕалыахтара. Матырыйаалларын тиэйэн аҕалбыттар. Култуура дьиэтэ эмиэ былааннанар, бырайыактыыр-смета докумуона оҥоһуллар.
Бырабыыталыстыба Бэрэссэдээтэлин солбуйааччы Сергей Местников бэлиэтииринэн, нэһилиэк дойду интэриэһин көмүскэлигэр улахан кылаатын киллэрсибит үлэһит, талааннаах дьонунан уруккуттан сураҕырар. Бу туһунан олохтоохтору кытары көрсөрүгэр Ил Дархан Айсен Николаев эмиэ бэлиэтээн турар. Ол көрсүһүүгэ Танда олохтооҕо, Арассыыйа Дьоруойа Алексей Неустроев Ил Дархаҥҥа нэһилиэк сайдыытын кэскилин кэпсээбитэ.
Уус Алдан улууһун Танда сэлиэнньэтиттэн элбэх үтүөлээх үлэһиттэр үүнэн-сайдан тахсыбыттара. Бу Гражданскай сэрии Дьоруойа Гаврил Егоров, Сэбиэскэй Сойуус Дьоруойа Владимир Лонгинов, Үлэ Дьоруойа Михаил Готовцев уонна Арассыыйа Дьоруойа Алексей Неустроев төрөөбүт-үөскээбит сирдэринэн буолар.
СӨ Ил Дарханын уонна Бырабыыталыстыбатын пресс-сулууспата
Сыл ахсын сэтинньи саҥатыгар Арассыыйа бары эрэгийиэннэригэр "Ускуустуба түүнэ" диэн аахсыйа ыытыллар. Тэрээһин Норуоттар сомоҕолоһууларын…
Мүөттээх бальзам 500 г. грецкэй эриэхэни, 300 г. мүөтү, 100 г. алоэ сүмэһинин, 4 лимону…
Сарсын, сэтинньи 4 күнүгэр, Дьокуускайга трофейнай байыаннай тиэхиньикэ быыстапката арыллыаҕа. Бу күн биир сүрүн тэрээһининэн…
Владивостокка буолбут Уһук Илиҥҥи хуор олимпиадатыгар "Кыра оҕолор хуордара" номинацияҕа кыттан, "Туймаада эрэлэ" дипломунан уонна үрүҥ…
Киһи биир тутаах уоргана быар – организмҥа олус улахан оруоллаах. Ол да иһин, “иккис сүрэҕинэн”…
Волонтер диэн бэйэтин баҕа санаатынан, дьоҥҥо көмөнү, туһаны оҥорор киһи. [gallery ids="251691,251692,251693"] Биһиги Куокуйбутугар ини-бии…